09:41, 22 - مامىر 2022 | GMT +6
قىزىلوردادا شاڭدى داۋىل سوعىپ تۇر
قىزىلوردا. قازاقپارات - قىزىلوردادا بۇگىن شاڭدى داۋىل سوعىپ تۇر. سالالىق دەپارتامەنت وقىس وقيعالار تىركەلمەگەنىن مالىمدەدى، دەپ حابارلايدى قازاقپارات ءتىلشىسى.
«قازگيدرومەت» ر م ك قىزىلوردا وبلىسى بويىنشا فيليالىنىڭ حابارلاۋىنشا، بۇگىن وبلىس اۋماعىندا اۋا رايىنا بايلانىستى دابىلدى ەسكەرتۋ جاريالاندى.
«قىزىلوردا وبلىسىنىڭ باسىم بولىگىندە 21-مامىردا كۇندىز جاڭبىر بولادى. وبلىستىڭ سولتۇستىگى، وڭتۇستىگى جانە ورتالىعىندا نايزاعاي، داۋىل، شاڭدى داۋىل سوعادى. جەل سولتۇستىك- باتىستان. تۇندە باتىسىندا، كۇندىز وبلىستىڭ باسىم بولىگىندە كۇشى سەكۋندىنا 15-20 مەترگە جەتەدى. جەلدىڭ ەكپىنى قىزىلوردا قالاسىندا سەكۋندىنا 23-28 مەتر شاماسىندا بولادى. وبلىستىڭ ورتالىعىندا توتەنشە ءورت قاۋپى ساقتالادى»، - دەگەن بولجام تاراتىلدى.
قىزىلوردا وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق- قۇتقارۋ جۇمىستارى قىزمەتىنىڭ حابارلاۋىنشا، ازىرگە وبلىستا اۋا رايىنا قاتىستى وقىس وقيعالار تىركەلگەن جوق.