ق ر پرەزيدەنتى ءماجىلىس ءتوراعاسى ەرلان قوشانوۆتى قابىلدادى

None
None
نۇر- سۇلان. قازاقپارات - مەملەكەت باسشىسى پارلامەنت ءماجىلىسىنىڭ ءتوراعاسى ەرلان قوشانوۆتى قابىلدادى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

ءماجىلىس سپيكەرى پرەزيدەنتكە دەپۋتاتتاردىڭ حالىقپەن وتكىزگەن كەزدەسۋلەرىنىڭ قورىتىندىسى تۋرالى مالىمەت بەردى. ءماجىلىس دەپۋتاتتارى الداعى رەفەرەندۋمنىڭ جانە كونستيتۋتسياعا ەنگىزىلەتىن وزگەرىستەردىڭ ماڭىزدىلىعىن ءتۇسىندىرۋ ءۇشىن وڭىرلەرگە ساپارمەن باردى. دەپۋتاتتار كۇن سايىن 250 گە دەيىن ءىس- شارا وتكىزگەن.

ەڭبەك ۇجىمدارىندا، بازارلاردا، الەۋمەتتىك نىسانداردا جانە شالعاي ەلدى مەكەندەردە وتكەن كەزدەسۋلەردە تۇرعىندارمەن اشىق پىكىر الماسۋعا باسا ءمان بەرىلدى. جالپى ازاماتتار ۇسىنىلىپ وتىرعان رەفورمالاردى قولدايدى جانە رەفەرەندۋمعا قاتىسۋعا دايىن. جالپى ۇلتتىق رەفەرەندۋمعا قاتىستى ءتۇسىندىرۋ ناۋقانىنا AMANAT پارتياسى دا اتسالىسقان. رەسپۋبليكالىق جانە وبلىستىق شتابتار، ءماسليحاتتاردىڭ بارلىق دەڭگەيىندەگى فراكتسيا دەپۋتاتتارى مەن پارتيانىڭ جاستار قاناتى بەلسەندى جۇمىس ىستەپ جاتىر. ءماجىلىس دەپۋتاتتارى ساپارلارىنىڭ بارىسىندا تۇرعىنداردى تولعاندىرىپ جۇرگەن وزەكتى ماسەلەلەر جونىندە اشىق پىكىر الماستى. كوتەرىلگەن بارلىق ماسەلە بەكىتىلگەن الگوريتمگە سايكەس ۇكىمەتپەن بىرلەسە جۇيەلەنىپ، پىسىقتالادى.

ەرلان قوشانوۆ قاسىم- جومارت توقايەۆقا پالاتانىڭ زاڭ شىعارۋ قىزمەتى تۋرالى باياندادى. اتاپ ايتقاندا، سەسسيا باستالعالى بەرى 64 زاڭ جوباسى ماقۇلدانعان جانە 51 ءى قارالىپ جاتىر. ولاردىڭ ىشىندە مەملەكەت باسشىسىنىڭ تاپسىرمالارىن جۇزەگە اسىرۋ اياسىندا ازىرلەنگەن زاڭ جوبالارى دا بار. پرەزيدەنتكە ۇكىمەت پەن ەسەپ كوميتەتىنىڭ بىلتىرعى رەسپۋبليكالىق بيۋدجەتتىڭ جۇمسالۋى جونىندەگى ەسەبىن قوعامدىق تىڭداۋعا، سونداي- اق سۋ رەسۋرستارى تۋرالى پارلامەنتتىك تىڭداۋلار وتكىزۋگە دايىندىق جۇمىستارىنىڭ بارىسى تۋرالى باياندالدى.

ءماجىلىس ءتوراعاسى پرەزيدەنتكە پارلامەنتتىك ديپلوماتيا اياسىنداعى جۇمىستاردى كۇشەيتۋ جونىندە مالىمەت بەردى. اتاپ ايتقاندا، مامىر ايىندا جامبىل وبلىسى قورداي اۋىلىنداعى شەكارا زاستاۆاسىندا قازاقستان مەن قىرعىزستان پارلامەنتتەرىنىڭ حالىقارالىق ىستەر جانە قورعانىس جونىندەگى سالالىق كوميتەتتەرىنىڭ بىرلەسكەن كوشپەلى وتىرىسى وتكىزىلدى. وندا ەۋرازيالىق ەكونوميكالىق وداق اياسىنداعى ساۋدا- ەكونوميكالىق ىنتىماقتاستىقتى، كولىك- لوگيستيكالىق جانە كەدەندىك راسىمدەردى جاقسارتۋ ماسەلەلەرى قاراستىرىلدى. ماۋسىم ايىندا دەپۋتاتتار ارمەنياداعى ۇ ق ش ۇ پارلامەنتتىك اسسامبلەياسىنىڭ كەڭەسى مەن قىرعىزستانداعى تۇركىتىلدەس ەلدەردىڭ پارلامەنتتىك اسسامبلەياسى كەڭەسىنىڭ وتىرىستارىنا قاتىسادى دەپ جوسپارلانىپ وتىر.

بۇل جيىنداردا زاڭ شىعارۋ قىزمەتى مەن سايلاۋدى باقىلاۋ جونىندەگى ىنتىماقتاستىقتى نىعايتۋدىڭ پەرسپەكتيۆالارى تالقىلانباق.


سوڭعى جاڭالىقتار