كيبەرقاۋىپتىڭ ورشۋىنە بايلانىستى بانكتەردىڭ قاۋىپسىزدىگى كۇشەيتىلەدى - اگەنتتىك

بۇل تۋرالى ق ر قارجى نارىعىن رەتتەۋ جانە دامىتۋ اگەنتتىگىنىڭ ءتيىست قاۋلىسىندا ايتىلعان، دەپ حابارلايدى قازاقپارات.

«بانك جۇيەسىنىڭ اقپاراتتىق قاۋىپسىزدىگى ەل ەكونوميكاسىنىڭ ورنىقتىلىعىن قامتاماسىز ەتەتىن جۇيە قۇراۋشى فاكتور بولىپ تابىلادى. كيبەرقاۋىپتەردىڭ ورشۋىنە بايلانىستى بانك كليەنتتەرى، ولاردىڭ شوتتارىنىڭ جاي- كۇيى جانە ءتۇرلى قارجىلىق وپەراتسيالاردى جۇرگىزۋ تۋرالى كونفيدەنتسيالدى اقپاراتتى قامتيتىن جۇيەلەردى قورعاۋدى كۇشەيتۋ قاجەتتىلىگى ارتىپ كەلەدى»، - دەلىنگەن اگەنتتىك حابارلاماسىندا.

اتالعان قاۋلىمەن قابىلدانعان وزگەرىستەر ەكىنشى دەڭگەيدەگى بانكتەرگە ولاردىڭ اقپاراتتىق قاۋىپسىزدىكتى قامتاماسىز ەتۋ بويىنشا قويىلاتىن قولدانىستاعى تالاپتاردى كۇشەيتەدى.