شىداي الماي ساحناعا شىعىپ كەتتى: پاتريوتتىق ءاندى جان- تانىمەن بەرىلە ايتقان بالاقاي

None
None
نۇر- سۇلتان. قازاقپارات – ءانشى قۋاندىق راحىمنىڭ كونسەرتىندە كوپتىڭ اراسىنان ورتاعا سۋىرىلىپ شىعىپ، «مەن قازاقپىن» ءانىن ونەر يەسىمەن بىرگە ورىنداعان كىشكەنتاي كورەرمەن ەلدى ءتانتى ەتتى.

بالاقاي رۋحتى ءان شىرقالىپ جاتقاندا شىداي الماي ساحناعا شىعىپ كەتكەن.

«مەن قازاقپىن» انىنە جىگەرلەنىپ، ورىنداۋشىمەن قوسىلا شىرقاعان بالانىڭ ۆيدەوسىن قۋاندىق راحىمنىڭ ءوزى Instagram پاراقشاسىندا جاريالاعان. «قازاقپىن دەپ سوققان جۇدىرىقتاي جۇرەگىڭنەن اينالدىم»، - دەپ جازدى ءانشى ۆيدەو سيپاتتاماسىندا.

بۇل كونسەرت تۇركىستان وبلىسى لەنگىر قالاسىندا وتكەنى بەلگىلى بولدى. كوپتىڭ كوزىنە تۇسكەن بالاقايدىڭ اناسى اقمارال بوتاشيەۆانىڭ ايتۋىنشا، كونسەرتكە باراردا ۇلى ايبار قۋاندىق راحىممەن بىرگە ساحنادا ءان ورىنداعىسى كەلەتىنىن ايتقان.

«راحمەت قۋاندىق ءىنىم، بالاپانىمنىڭ توبەسىن كوككە جەتكىزدىڭ. ارمانى ورىندالدى. 2018 -جىلى لەنگىر قالاسىندا وتكەن «دارابوز« بايقاۋىنا قاتىسىپ، وسى ءاندى ايتىپ 3-ورىن يەلەندى. سودان بەرى جاتقا ايتادى. كوپ- كوپ راحمەت!»، - دەپ انشىگە العىس بىلدىرەدى بالاقايدىڭ اناسى.

جەلى قولدانۋشىلارى دا رۋحتى بالاعا ءتانتى بولعاندارىن ايتىپ، پىكىر بىلدىرگەن. «جانىپ تۇرعان بالا»، «ناعىز قازاق ەكەن»، «شىداي الماي ساحناعا شىعىپ كەتتى»، «امان بول، بوتا بالا. قازاق دەگەن جۇرەگىڭ ماڭگىلىك سوقسىن. بۇنداي ۇرپاق تاربيەلەپ وتىرعان اتا- اناسىنا مىڭ العىس»، - دەپ جازدى جەلى قولدانۋشىلارى.

ولاردىڭ كەيبىرى ۆيدەونى كورىپ، كوزىنە جاس العاندارىن دا جاسىرماعان.


اۆتور: ەلميرا اسقار قىزى

https://kaz.nur.kz

سوڭعى جاڭالىقتار