ش ق و- دا قاعازباستىلىقتىڭ كەسىرىنەن جول قۇرىلىسى توقتاپ تۇر

None
None
نۇر- سۇلتان. قازاقپارات – راحمان بۇلاقتارى دا جەتكىزبەيدى. شىعىس قازاقستانداعى كەتەۋى كەتىپ تۇرعان ارالىق بۇل عانا ەمەس. وسىعان دەيىن وسكەمەن - تالدىقورعان، قالباتاۋ- مايقاپشاعاي اراسىندا قايتا جوندەۋ جۇمىستارىنىڭ ۇزاققا سوزىلعانىن بىرنەشە رەت كورسەتتىك، دەپ حابارلايدى «حابار 24».

ەندى بۇلاردىڭ قاتارىنا وسكەمەن - التاي - راحمان بۇلاقتارى تراسساسى قوسىلدى. ويتكەنى تاۋ ىشىندەگى بۇرالاڭ جولدىڭ 32 شاقىرىمىن جوندەۋ 2017 -جىلى باستالعانمەن ءالى اياقتالماعان. جۇمىس مۇلدەم توقتاپ تۇر.

ۆلاديمير مۋراكاتوۆ وسكەمەن - التاي باعىتىمەن كۇندە جۇرەدى. ايگىلى وسينوۆ وتكەلىنەن ءجيى وتەدى. جۇمىسى سونداي. قۇز بويىمەن سوزىلعان ءيىرىم جولدان ۇشىپ كەتكەن تالاي كولىكتى كورىپتى. سوندىقتان سەرپانتيندى اينالىپ وتەتىن ءتۇزۋ ءارى قاۋىپسىز جول سالىنا باستاعاندا ءبىر قۋانعان.

ۆلاديمير نۋراكاتوۆ، كولىك جۇرگىزۋشىسى:

- بۇل قۇرىلىس اياقتالسا جول قىسقارار ەدى. ەڭ باستىسى قاۋىپسىز بولار ەدى. ويتكەنى وتە كۇردەلى جول. تىركەمەسى بار كولىكتەرگە ءتىپتى قيىن. قاتونقاراعايعا باعىت تۇزەگەن تۋريستەر ءۇشىن دە بۇل جولدى وتكەرۋ وڭاي ەمەس.

ءاۋ باستا قۇرىلىس جاپ- جاقسى ءجۇردى. ەنى 8 مەترلىك، ەكى جولاقتى جول توسەلە باستادى. اۆتوبۋس ايالداماسى، سۋ وتكىزۋ قۇبىرلارى، مال وتەتىن ورىن سىندى قاجەتتى تالاپتاردىڭ ءبارى قاراستىرىلدى. الايدا قاعازباستىلىق كەسىرىنەن 2019-جىلى جۇمىس توقتادى. مەردىگەر كومپانيا قۇرىلىستى جالعاستىرۋ ءۇشىن سالالىق مامانداردىڭ جاۋابىن كۇتە- كۇتە شىدامى جەتپەي، جوبادان باس تارتتى. ءسويتىپ 30 شاقىرىمدىق جول ساقالدى قۇرىلىسقا اينالىپ شىعا كەلدى.

ولاۋشىلاردىڭ دا جۇرگىزۋشىلەردىڭ دە زارەسىن الاتىن جول وسى. تاۋ ىشىندەگى سەرپانتين كىلت بۇرىلىستارعا تولى، سوندىقتان اقىرىنداپ ابايلاپ جۇرمەسكە بولمايدى. ال بۇل ءوز كەزەگىندە تۋريستىك نىساندارعا اپاراتىن جولدى ءبىرشاما ۇزارتىپ جىبەرەدى. قارقىنىن قاعازباستىلىق توقتاتقان قۇرىلىس سول بەتى ءالى تۇر. بىرەسە بەل بۋىپ كىرىسەتىن مەردىگەر كومپانيا تابىلمادى. ونى كۇتىپ جۇرگەندە جوبا ەسكىردى، باعا وزگەردى. 30 پروتسەنتكە قىمباتتادى. ەندى قايتا تۇزەتۋلەر جاسالۋ كەرەك.

اسىلبەك نۇعىمانوۆ، «قازاۆتوجول» ۇ ك ش ق و فيليالىنىڭ ديرەكتورى:

- بۇرىنعى قاراجاتتان 50 پروتسەنت قانا قالدى. ول جەتپەيدى. قۇرىلىس ماتەريالدارى قىمباتتتادى. جوبا قۇنى 30 پروتسەنتكە ءوسۋى مۇمكىن. مەملەكەتتىك ەكسپەرتيزادان سوڭ ناقتى سوما انىقتالادى. قۇز جارتاستىڭ جيەگىمەن وتەتىن جولدىڭ كۇتىمى دە قيىن. قىستا قار دۇرىس تازالانباي ونسىز دا تار جول ودان سايىن جىڭىشكەرەدى. جول بەلگىلەرى دە كورىنبەي قالادى. جىل باسىنان بەرى وسى تراسسادا 24 كەمشىلىك انىقتالدى.

www.24.kz


سوڭعى جاڭالىقتار