قازاقستانداعى ساۋدا ورتالىقتارىندا «تىلەك اعاشى» پايدا بولادى

None
None
نۇر- سۇلتان. قازاقپارات - قازاقستاندا تۇرعىنداردى اۋىر دەرتكە شالدىققان بالالاردىڭ تىلەكتەرىن ورىنداۋعا تارتۋدى كوزدەيتىن «ارماندار ورىندالادى» رەسپۋبليكالىق اكسياسى باستاۋ الدى.

بۇل تۋرالى ازاماتتىق باستامالاردى قولداۋ ورتالىعىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات.

«جىل سوڭىنا دەيىن بارلىق وڭىرلەردە «تىلەك اعاشى» جانە «Вох dream « سياقتى اكسيالاردى وتكىزۋدى جوسپارلاپ وتىرمىز. بۇل ءىس- شارالار بىزگە اۋىر دەرتكە شالدىققان بالالاردىڭ تىلەكتەرىن ورىنداۋعا تانىمال ادامداردى، مەتسەناتتار مەن دەمەۋشىلەردى، سونداي- اق بەلسەندى ازاماتتاردى مۇمكىندىگىنشە كوپتەپ تارتۋعا كومەكتەسەدى. نۇر- سۇلتان، الماتى جانە شىمكەنت قالالارىنداعى، سونداي- اق ەلىمىزدىڭ 14 وڭىرىندەگى ساۋدا- ويىن- ساۋىق ورتالىقتارىندا بالالاردىڭ ارماندارى جازىلاتىن «تىلەك اعاشىن» ورناتامىز. بۇل تىلەكتەردى كەز كەلگەن ادام ورىنداي الادى»، - دەيدى جوبا جەتەكشىسى ءشامىل ۆانكەيەۆ.

«Вох dream «اكسياسى اياسىندا تانىمال تۇلعالارعا اۋىر دەرتكە شالدىققان بالالار تۋرالى اقپارات پەن ونىڭ ارمانى جازىلعان بروشيۋرالارى بار قوراپتار جىبەرىلمەك. سونداي- اق، جۇلدىزدار جوباعا ارنايى روليكتەردىڭ جۇرگىزۋشىسى رەتىندە شاقىرىلادى. روليكتەر ارقىلى جوباعا قاتىساتىن ءاربىر بالانىڭ ارمانى قالاي ورىندالعانىن بىلۋگە بولادى.

جوبا اقپارات جانە قوعامدىق دامۋ مينيسترلىگىنىڭ قولداۋىمەن جۇزەگە اسىرىلادى. ول 100 بالانىڭ تىلەگىن ورىنداۋعا مۇمكىندىك بەرەدى دەگەن جوسپار بار.

بۇعان دەيىن حابارلانعانىنداي، قايىرىمدىلىق ماقساتتا جاسالعان ءموبيلدى اۋدارىمدار كاسىپكەرلىك تابىسقا جاتپايدى.

سوڭعى جاڭالىقتار