پرەزيدەنتتىڭ تۋعان كۇنىنە بايلانىستى تاعى ءبىرقاتار قۇتتىقتاۋلار كەلدى

None
None
نۇر-سۇلتان. قازاقپارات - مەملەكەت باسشىسىنىڭ تۋعان كۇنىنە بايلانىستى جولدانعان قۇتتىقتاۋلار لەگى جالعاسۋدا، دەپ حابارلايدى، قازاقپارات.

«پرەزيدەنتتىڭ تۋعان كۇنىنە وراي حورۆاتيا پرەزيدەنتى زوران ميلانوۆيچ، ارمەنيا رەسپۋبليكاسىنىڭ پرەزيدەنتى ۆااگن حاچاتۋريان، ارمەنيا رەسپۋبليكاسىنىڭ پرەمەر-ءمينيسترى نيكول پاشينيان، تاتارستان پرەزيدەنتى رۋستام ميننيحانوۆ، شاڭحاي ىنتىماقتاستىق ۇيىمىنىڭ باس حاتشىسى چجان مين جانە ازياداعى ءوزارا ءىس-قيمىل جانە سەنىم شارالارى جونىندەگى كەڭەس حاتشىلىعىنىڭ اتقارۋشى ديرەكتورى قايرات سارىباي قۇتتىقتاۋ جەدەلحاتىن جولدادى»، - دەپ جازدى بورت1№ تەلەگرام-ارناسى.

ايتا كەتەيىك، كەشە دە قازاقستان پرەزيدەنتىنىڭ تۋعان كۇنىنە بايلانىستى شەت مەملەكەتتەردىڭ باسشىلارىنان، پارلامەنت ءتوراعالارىنان، ۇكىمەت باسشىلارىنان جانە شەتەلدىك مەملەكەتتىك ورگانداردىڭ، حالىقارالىق ۇيىمدار مەن ديپلوماتيالىق ميسسيالاردىڭ، كوممەرتسيالىق مەكەمەلەردىڭ جەتەكشىلەرىنەن، شىعارماشىلىق جانە عىلىمي زيالى قاۋىم وكىلدەرىنەن قۇتتىقتاۋلار كەلىپ تۇسكەن بولاتىن.


سوڭعى جاڭالىقتار