قىتايدا العاش رەت كوروناۆيرۋستىڭ وميكرون شتامىنىڭ الدەقايدا جۇقپالى ءتۇرى انىقتالدى
18 مامىر 16:39

قىتايدا العاش رەت كوروناۆيرۋستىڭ وميكرون شتامىنىڭ الدەقايدا جۇقپالى ءتۇرى انىقتالدى

بەيجىڭ. قازاقپارات - گۋانجوۋعا كەنيادان كەلگەن ناۋقاستان BA.2.12.1 وميكرونىنىڭ جاڭا نۇسقاسى انىقتالدى.

بۇل تۋرالى قىتايدىڭ اۋرۋلاردى باقىلاۋ جانە الدىن الۋ ورتالىعى ءمالىم ەتتى، دەپ حابارلايدى قازاقپارات ءتىلشىسى.

CCDC مالىمەتتەرى بويىنشا، ءساۋىر ايىنىڭ سوڭىندا نايروبيدەن (كەنيا) گۋانجوۋعا كەلگەن 27 جاستاعى ناۋقاسقا 14 كۇندىك كارانتين كەزىندە وميكروننىڭ BA.2.12.1 نۇسقاسى دياگنوزى قويىلعان.

وميكروننىڭ جاڭا نۇسقاسى الەمنىڭ كەم دەگەندە 23 ەلىندە تىركەلگەن. بۇعان دەيىن دۇنيەجۇزىلىك دەنساۋلىق ساقتاۋ ۇيىمى ەلدەردى وميكروننىڭ جاڭا قوسالقى نۇسقاسىنا بايلانىستى جاعدايدىڭ ۋشىعۋىن باقىلاۋعا الۋعا جانە مۇقيات بولۋعا شاقىرعان بولاتىن.

ويتكەنى، بۇل وميكروننىڭ باسقا نۇسقالارىمەن سالىستىرعاندا، BA.2.1 يممۋندىق قورعانىسقا كۇشتى قارسىلىق كورسەتەدى.

ءتىپتى، كوروناۆيرۋسقا قارسى ۇدەتكىش ەكپەلەر العان ادامدارعا دا اۋىر سوعۋى مۇمكىن.

BA.2.12.1 وميكرونىنىڭ وتكىزگىشتىگى BA.2 وميكرون شتامىنىڭ نۇسقاسىنا قاراعاندا %23-27 عا جوعارى بولىپ شىقتى.


جاڭالىقتار