قازاقستاندا اقشا مەن مۇلىكتى جىلىستاتۋ فاكتىلەرىنىڭ سانى كۇرت ءوستى

2021-جىلدىڭ وسى كەزەڭىندە قازاقستاندا مۇنداي 12 قۇقىق بۇزۋشىلىق تىركەلدى، بۇل جىلىنا %58,6 عا كەم. وڭىرلىك تۇرعىدا سەكتورداعى قۇقىق بۇزۋشىلىقتار قازاقستان رەسپۋبليكاسىنىڭ 17 ءوڭىرىنىڭ 13 ىندە تىركەلگەن. كوپ جاعدايدا الماتى قالاسى مەن الماتى وبلىسىندا ورىن العان - ءارقايسىسىندا 5 قۇقىق بۇزۋشىلىق. ەلوردادا 4 قۇقىق بۇزۋشىلىق تىركەلدى.

اتىراۋ، باتىس قازاقستان جانە پاۆلودار وبلىستارىنىڭ ءارقايسىسىندا 2 قۇقىق بۇزۋشىلىق ورىن الدى.

2021-جىلدىڭ قاڭتار-ءساۋىر ايلارىندا مۇنداي قۇقىق بۇزۋشىلىقتار ەلىمىزدىڭ 17 ءوڭىرىنىڭ 9 ىندا عانا تىركەلگەن.

2022-جىلدىڭ ءتورت ايىنىڭ قورىتىندىسى بويىنشا قىلمىستىق جولمەن الىنعان اقشانى جانە وزگە دە مۇلىكتى جاريا ەتۋ بويىنشا قۇقىق بۇزۋشىلىقتاردان كەلتىرىلگەن زالالدىڭ بەلگىلەنگەن سوماسى ءبىر جىلدا بىردەن %32,4 عا، 2,2 ميلليارد تەڭگەگە دەيىن ءوستى.

ونىڭ ىشىندە مەملەكەتكە كەلتىرىلگەن زالال 1,2 ميلليارد تەڭگەنى، جەكە تۇلعالارعا-976,1 ميلليون تەڭگەنى قۇرادى.

وسى قۇقىق بۇزۋشىلىقتار بويىنشا 365,8 ميلليون تەڭگە سوماسىنا مۇلىك تاركىلەندى، ونىڭ ىشىندە مەملەكەتكە كەلتىرىلگەن زالالدى وتەۋ ءۇشىن - 315,6 ميلليون تەڭگە، جەكە تۇلعالارعا - 50,2 ميلليون تەڭگە. بۇعان دەيىن كاپيتالدى شەتەلگە شىعارۋعا قارسى ءىس-قيمىل بويىنشا جۇرگىزىلىپ جاتقان جۇمىستار اياسىندا مەملەكەتتىك كىرىستەر ورگاندارى قازاقستان رەسپۋبليكاسى ازاماتتارىنىڭ ءىرى ترانسشەكارالىق اۋدارىمدارىنا سالىقتىق باقىلاۋدى جۇزەگە اسىراتىنىن (اۋدارىمداردىڭ ورتاشا سوماسى 100 ميلليون تەڭگەدەن اسقان جاعدايدا) حابارلاعان بولاتىن.