ۇيىقتاپ جاتقان ادامنىڭ ارەكەتىنە ءسال قاراماڭىز

ءتىس قايراۋ . كەيبىرەۋلەر ءتىس قايراعاندا قاتتى شىقىرلاتادى. بۇل دەنە قۋاتىنىڭ السىرەگەندىگىنەن، نەرۆتىڭ جاقسى بولماۋىنان، قان اينالىستىڭ ىركىلىسىنەن پايدا بولادى.

قورىلداۋ، پىسىلداۋ. قاتتى قورىلداۋ مەن پىسىلداۋ ۇزاق ۋاقىتقا دەيىن باسىلماسا، تىنىس جولىنىڭ توسىلعاندىعىنىڭ بەلگىسى. بۇل جاعداي ۇزاق ۋاقىت جالعاسسا، قان ازدىق پايدا بولادى.

اۋناقشۋ. دوڭبەكشىپ، اۋناقشۋ نەرۆتىڭ ورنىقسىزدىعىن، قان اينالىستىڭ ىركىلىستى ەكەندىگىن بىلدىرەدى. ءسىڭىرى وڭاي تارتىلادى.

اۋزىن اشۋ. كەيبىرەۋلەر ەرىكسىز اۋزىن اشىپ ۇيىقتايدى. بۇل ەستە ساقتاۋ قۋاتىنىڭ السىرەگەندىگىنىڭ، مۇرىن قۋىسى تىنىس جولىنىڭ توسىلعانىن بىلدىرەدى.

ساندىراقتاۋ. ماماندار ساندىراقتاۋدى نەرۆ قالىپسىزدىعى اۋرۋى، ول جۇرەك اۋرۋىنا وڭاي شالدىقتىرادى دەپ قارايدى.

وسىنداي قالىپسىز جاعدايلار بايقالعاندا، كوڭىل- كۇيدى جاقسى ساقتاپ، تاماشا ۇيىقتاۋ داعدىسىن قالىپتاستىرىپ، كىشىگىرىم اۋرۋلاردى دەر كەزىندە ەمدەتىپ، اعزادا قاتەرسىز قان اينالىم قالىپتاستىرۋعا تىرىسۋ كەرەك.

جاسان زەكەي ۇلىنىڭ پاراقشاسىنان