ەردوعان ناتو- نىڭ كەڭەيۋىنە قارسى

None
None
نۇر-سۇلتان.قازاقپارات - تۇركيا پرەزيدەنتى فينليانديا مەن شۆەتسيانىڭ ناتو- عا مۇشە بولۋىنا قارسىلىق ءبىلدىردى.

بۇل تۋرالى رەجەپ تايىپ ەردوعان انكارادا الجير پرەزيدەنتىمەن كەزدەسۋ كەزىندە ايتتى، دەپ حابارلايدى «حابار 24».

بۇل ەلدەردىڭ لاڭكەستىك ۇيىمدارعا قاتىستى ايقىن - ۇستانىمى جوق. ولار «جۇمىسشى كۇردىستان پارتياسىنىڭ لاڭكەستەرى مەن فەتحۋللاح گيۋللەندى قولداۋشىلاردى جاسىرىپ وتىر»، - دەدى ەردوعان.

ەسكە سالا كەتەيىك، ۋكرايناداعى احۋالعا بايلانىستى ستوكگولم مەن كوپەنگاگەن بەيتاراپتىق مارتەبەدەن باس تارتىپ، سولتۇستىك اليانسقا قوسىلۋعا بەت بۇردى.

رەجەپ تايىپ ەردوعان، تۇركيا پرەزيدەنتى:

- ەكى ەلدىڭ دە تەررورلىق ۇيىمدارعا قاتىستى اشىق ءارى ناقتى ۇستانىمى جوق. ولار لاڭكەستىك ۇيىمدارعا قارسىمىز دەيدى. ءبىراق وزىندەگى سودىرلاردى بەرمەيتىنىن ايتادى. ءبىز ولارعا قالاي سەنەمىز. قوس ەلدىڭ وكىلدەرى تۇركياعا كەلمەكشى. ءبىزدى سەندىرۋگە تىرىسپاق پا؟ ونداي جاعدايدا ناتو قاۋىپسىزدىك ۇيىمى بولۋدان قالىپ لاڭكەستىك ۇيىمداردىڭ شوعىرلانعان ورنىنا اينالادى.

زاس: ەۋروپاداعى احۋال شيەلەنىسۋى مۇمكىن

ال ۇجىمدىق قاۋىپسىزدىك تۋرالى شارت ۇيىمىنىڭ باس حاتشىسى ستانيسلۆا زاس ناتو- نىڭ كەڭەيۋى ەۋروپاداعى جاعدايدى ۋشىقتىرىپ جىبەرەدى دەيدى. بۇل تۋرالى ول ۇيىمنىڭ ماسكەۋدەگى سامميتىنەن كەيىن باسپا ءسوز ءماسليحاتىندا مالىمدەدى. ال رەسەي پرەزيدەنتى ۆلاديمير پۋتين فينليانديا مەن شۆەتسيانىڭ ناتو- عا مۇشە بولۋى ماسكەۋگە تىكەلەي قاۋىپ توندىرمەيتىنىن ايتتى.

ستانيسلاۆ زاس، ۇ ق ش ۇ باس حاتشىسى:

- مۇنىڭ ءبارى قالاي اياقتالاتىنى تۋرالى ايتۋ قيىن. ءبىراق قازىرگى ناتو- نىڭ ۇلعايۋىنا باعىتتالعان قادامداردىڭ ءبارى ەۋروپاداعى احۋالدىڭ شيەلەنىسۋىنە اكەلەتىنى انىق.



سوڭعى جاڭالىقتار