استانادا جەڭىس كۇنىنە ارنالعان وتشاشۋ بولادى

None
None
نۇر-سۇلتان. قازاقپارات - بۇگىن ەلوردادا جەڭىس كۇنى مەرەكەسىنە ارنالعان وتشاشۋ بولادى، دەپ حابارلايدى قازاقپارات قالا اكىمدىگىنە سىلتەمە جاساپ.

فەيەرۆەرك ساعات 22:00 دە ەسىل وزەنىنىڭ جاعالاۋىنان باستالادى.

«ساليۋت ۇزاقتىعى 10-12 مينۋتتى قۇرايدى، ال اتىس سانى كەمىندە 3 مىڭ»، - دەلىنگەن اقپاراتتا.

ءمالىم ەتىلگەندەي، جەڭىستىڭ 77 جىلدىعىنا ارنالعان وتشاشۋ دەمەۋشىلەر قارجىسىنا ۇيىمداستىرىلىپ وتىر.

ايتا كەتەيىك، بۇعان دەيىن نۇر-سۇلتان قالاسىنىڭ مادەنيەت باسقارماسى 7- جانە 9- مامىر كۇندەرى مەرەكەلىك وتشاشۋ وتكىزىلمەيتىنىن ايتقان بولاتىن.

9- مامىر كۇنى، قالادا سونداي-اق كونسەرت، قويىلىم تۇرىندەگى ءتۇرلى ونلاين جانە وفلاين ءىس-شارالار ۇسىنىلادى.

ماسەلەن، ستۋدەنتتەر ساياباعىندا ارداگەرلەر مەن قالا تۇرعىندارىنا ارنالعان كونتسەرت وتەدى.

مەرەكەلىك شارادا سۇيىكتى اندەردى تىڭداۋعا بولادى، ول ساعات 14:00 گە دەيىن جالعاسادى.

بۇدان بولەك، مايدانگەرلەردى ەسكە الۋعا ارنالعان «جەڭىمپازدار. باتىرلارعا تاعزىم» ونلاين- اكتسياسى وتەدى. جەڭىس مەرەكەسىن اتاپ ءوتۋ كۇندەرى ءداستۇرلى تۇردە سوعىس ارداگەرلەرىنىڭ، تىل ەڭبەككەرلەرىنىڭ، قوعامدىق جانە جاستار ۇيىمدارى وكىلدەرىنىڭ قاتىسۋىمەن «وتان انا» مونۋمەنتىنە جانە سوعىس باتىرلارى - تالعات بەگەلدينوۆ، راقىمجان قوشقاربايەۆ، باۋىرجان مومىش ۇلى، مانشۇك مامەتوۆا، ءاليا مولداعۇلوۆا جانە وزگە دە باتىرلاردىڭ ەسكەرتكىشتەرىنە گۇل دەستەلەرىن قويۋ راسىمدەرى بولادى.

سونىمەن قاتار وسى كۇنى «سولداتسكي كوتەلوك» ەرتەگىسىن كورسەتەتىن قۋىرشاق تەاترىنا بارۋعا بولادى. ال 10- مامىردا «الجير» مەموريالدى-مۇراجاي كەشەنى جەڭىس كۇنىنە ارنالعان «ءبىز جەڭىستىڭ ۇرپاعىمىز!» اتتى لەكتسياعا قوسىلۋعا شاقىرادى. استانالىق سيرك مەرەكە قۇرمەتىنە كورەرمەندەر ءۇشىن ارنايى سيرك باعدارلاماسىن دايىندادى.

سوڭعى جاڭالىقتار