ەلوردادا قولونەرشىلەردى دايىنداۋ ورتالىعىن اشۋ جوسپارلانىپ وتىر

بۇل تۋرالى نۇر- سۇلتان قالاسى ينۆەستيتسيالار جانە كاسىپكەرلىكتى دامىتۋ باسقارماسىنىڭ باسشىسى ەرجان بالتايەۆ ءمالىم ەتتى، دەپ حابارلايدى قازاقپارات ءتىلشىسى.

«پاندەميا كەزىندە تۋريزم سالاسىنداعى جاعداي قيىنداعان بولاتىن. جالپى دۇنيەجۇزى بويىنشا تۋريستەر سانى 70 پايىزعا ازايعان ەدى. قازىرگى كەزدە جاعداي تۇراقتانىپ، اۋە رەيستەرى مەن تۋريستەر سانى ارتىپ كەلەدى. ەلوردادا MICE ءتۋريزمنىڭ ورنى بولەك، ياعني ءتۇرلى فورۋمدار، بيزنەس تۋريزم باعىتىندا جۇمىس ىستەمەكپىز. دەگەنمەن، وسى سالالالاردا كادر تاپشىلىعى سەزىلىپ وتىر. سوندىقتان كادر دايارلاۋ ماقساتىندا بۇگىن سالا ماماندارىمەن كەڭەسپەكپىز»، - دەدى ە. بالتايەۆ Astana Polytechnic جوعارى كوللەدجىندە تۋريزم سالاسىن دامىتۋ تاقىرىبىنا ارنالعان جيىندا. ونىڭ ايتۋىنشا، الەمدە تۋريزم سالاسى جۇمىس ورنىن قۇرۋدا قاراجاتتى از تالاپ ەتەتىن يندۋستريا بولىپ وتىر.

«وسى ورايدا جاڭا ماماندىقتاردى ەنگىزۋ جوسپارىمىزدا بار. MICE- مەنەدجەر، Event-مەنەدجەر، گيدتەر، قولونەرشىلەر كەرەك. قولونەردى جوعارى تابىس كوزىنە اينالدىرۋعا بولادى. تۋريستەر ەلىمىزگە ساپارلاپ كەلگەندە ۇلتتىق ەرەكشەلىگى بار زاتتاردى ساتىپ الۋعا تىرىسادى. بولاشاقتا قولونەرشىلەردى دايىنداۋ ورتالىعىن اشساق دەگەن جوسپارىمىز بار»، - دەدى باسقارما باسشىسى.

ە. بالتايەۆتىڭ سوزىنە قاراعاندا، ەلوردادا 5 ج و و مەن 11 كوللەدج تۋريزم بويىنشا مامان دايارلاپ جاتىر. قازىرگى كەزدە وسى وقۋ ورىندارىندا 2800 گە جۋىق ستۋدەنت ءبىلىم الىپ ءجۇر. بيىل 600 گە جۋىعى وقۋ ورنىن ءتامامدايدى.

«ولاردىڭ قازىرگى ماماندىقتارى جالپى تۋريزم، قوناق ءۇي مەنەدجمەنتى، مەيرامحانا مەنەدجمەنتى سەكىلدى باعىتتاردى قامتىعان. ال گيدتەردى، MICE- مەنەدجەرلەردى دايارلاۋدا تاپشىلىق بار. الەمدە بۇل ماماندىقتارعا سۇرانىس جوعارى»، - دەدى ول.

«ءبىز ءتيىستى زەرتتەۋ جۇرگىزگەن ەدىك. قاراپايىم تۋريستەر كەلگەن كەزدە، ولار شامامەن كۇنىنە 200-300 ا ق ش دوللارى سوماسىندا، ال بيزنەس، MICE- تۋريزم باعىتىندا كەلەتىن تۋريستەر كۇنىنە 1,5 مىڭ دوللاردان استام قاراجات جۇمسايدى. سوندىقتان بۇل سالانىڭ ەكونوميكالىق ناتيجەسى جاقسى بولادى»، - دەدى باسقارما باسشىسى.