ەلوردا باعدارشامدارىنا «بارىنە ورتاق قىزىل ءتۇس» ەنگىزىلىپ جاتىر

باعدارشامنىڭ بۇل ءتۇسىن ساقشىلار ءوز اراسىندا «دايىندىق» رەجيمى دەپ اتاپ ءجۇر. ماقساتى - قيىلىستا باعدارشامنىڭ «جاسىل» ءتۇستى كۇتىپ تۇرعان قوزعالىسقا قاتىسۋشىلاردىڭ ءبارى ءۇشىن ءبىر مەزەتتە 1 سەكۋندتىق پاۋزا ۇسىنۋ. مامانداردىڭ ايتۋىنشا كۇردەلى قيىلىستاردا وسىنداي ءۇزىلىستىڭ بولۋى كولىك اپاتتارىنىڭ ىقتيمالدىعىن ازايتىپ وتىر.

«ەڭ العاش بۇل جاڭاشىلدىق بوگەنبەي باتىر- رەسپۋبليكا قيىلىسىندا ەنگىزىلدى. تالداۋعا سۇيەنسەك، اتالعان رەجيم باعدارشامدارعا ەنگىزىلگەنگە دەيىن اتالعان قيىلىستا 17 جول- كولىك وقيعاسى، زارداپ شەگۋشىلەرسىز 284 فاكت تىركەلدى. ال رەجيم ىسكە قوسىلعاننان كەيىن مۇندا ەشقانداي جول- كولىك وقيعاسى تىركەلگەن جوق، زارداپ شەگۋشىلەرسىز 8 فاكت تىركەلدى»، - دەيدى قالالىق پوليتسيا دەپارتامەنتى اكىمشىلىك پوليتسيا باسقارماسىنىڭ باستىعى ەلجان چۋپەكوۆ.

ايتۋىنشا، بىلتىر «دايىندىق» رەجيمى 12 ۋچاسكەگە ەنگىزىلگەن. ال 2022 -جىلدىڭ باسىنان بەرى 10 ۋچاسكەدە وسىنداي رەجيم قولدانىلا باستاعان. اتاپ ايتساق، قازىر مۇنداي رەجيم بوگەنباي- رەسپۋبليكا قيىلىستارىنان بولەك، جەڭىس داڭعىلى مەن كەنەسارى، ماسكەۋ، مولداعۇلوۆ، التىنسارين، ەسەنبەرلين كوشەلەرىنىڭ قيىلىسىندا، مومىش ۇلى كوشەسى مەن ساتپايەۆ، جۇمابايەۆ كوشەلەرىنىڭ، ۇلى دالا كوشەسى مەن ساۋران، اقمەشىت كوشەلەرىنىڭ قيىلىسىندا جۇمىس ىستەپ تۇر. ق ر ءىء ى م اكىمشىلىك پوليسيا كوميتەتى باسقارماسى باسشىسىنىڭ ورىنباسارى جاسۇلان جۇماناليننىڭ ايتۋىنشا، ەلىمىزدە بالالاردىڭ قاتىسۋىمەن 400 دەن استام جول- كولىك وقيعاسى تىركەلگەن.