12:55, 04 - ءساۋىر 2022 | GMT +6
شىمكەنتتە «رامازان قورجىنى» تاراتىلۋدا - فوتو
شىمكەنت. قازاقپارات - شىمكەنتتە «رامازان قورجىنى» تاراتىلۋدا، دەپ حابارلايدى قازاقپارات ءتىلشىسى.
قاسيەتتى رامازان ايىندا شىمكەنت قالاسى اكىمدىگى مەن ورتالىق مەشىت جاماعاتى يگى ءىستى قولعا الدى. قوس تاراپتىڭ ۇيىمداستىرۋىمەن قالادا «رامازان قورجىنى» قايىرىمدىلىق شاراسى ءوتىپ جاتىر. مۇندا ازىق-تۇلىك سالىنعان سەبەتتەر مۇقتاج وتباسىلارعا تاراتىلۋدا.
«بۇل يگى باستاماعا قالاداعى بارلىق كاسىپكەرلەر دە قولداۋ بىلدىرۋدە. كۇن سايىن ەستافەتا تۇرىندە مۇقتاج وتباسىلارعا اۋىزاشار ورنىنا ازىق-تۇلىك سالىنعان «رامازان قورجىنى» سەبەتى تاراتىلۋدا. ونىڭ ىشىندە كۇرىش، قانت، وسىمدىك مايى، شاي، ۇن، ماكورون، تاتتىلەر، قۇرما ت. ب. تاۋار تۇرلەرى بار. كوپشىلىكتى يگى شاراعا قولداۋ بىلدىرۋگە شاقىرامىن»، - دەدى شىمكەنت قالاسىنىڭ باس يمامى باقداۋلەت نۇرمات ۇلى.
ايتا كەتەيىك، رامازان ايىنىڭ العاشقى ەكى كۇنىندە شىمكەنتتىك 700 وتباسىنا «رامازان قورجىنى» بەرىلدى.
