USD 429.57 EUR 447.35
RUB 6.94 CNY 63.23
جاڭالىقتار

الماتى وبلىسىندا كولىك اپاتىن جاساعان پوليتسيا قىزمەتكەرى قاماۋعا الىندى

26 قاڭتار 16:25
:ءبولىسۋ
الماتى وبلىسىندا كولىك اپاتىن جاساعان پوليتسيا قىزمەتكەرى قاماۋعا الىندى

تالدىقورعان. قازاقپارات - الماتى وبلىسىندا كولىك اپاتىن جاساعان پوليتسيا قىزمەتكەرى قاماۋعا الىندى. جول- كولىك وقيعاسى سالدارىنان 20 جاستاعى جولاۋشى اۋرۋحانادا كوز جۇمدى، - دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، وقيعا 23-قاڭتار كۇنى الماتى- تالعار جولىنىڭ 12- شاقىرىمىندا بولعان.

«تويوتا پرادو» جانە «حوندا ستريم» كولىكتەرىنىڭ اپاتى بويىنشا ق ر ق ك 345- بابىنىڭ 3- بولىگى جانە قىلمىستىق كودەكستىڭ 347- بابىنا سايكەس ءىس قوزعالىپ، تەرگەۋ ءجۇرىپ جاتىر. وقيعا سالدارىنان «حوندا ستريم» كولىگىنىڭ جۇرگىزۋشىسى جانە جولاۋشىسى ءتۇرلى دەنە جاراقاتىمەن الماتى قالاسىنداعى وبلىستىق اۋرۋحاناعا تۇسكەن. 20 جاستاعى جولاۋشىسى اۋرۋحانادا كوز جۇمعان. «تويوتا پرادو» كولىگىنىڭ جۇرگىزۋشىسى قارسى باعىتقا شىعىپ، كولىككە سوعىلىپ، وقيعا ورنىنان قاشىپ كەتكەن. كوپ ۇزاماي پوليتسيا ونى قولعا ءتۇسىردى. تەكسەرىس كەزىندە انىقتالعانداي، جول تالعامايتىن كولىكتى ىشكى ىستەر ورگانىندا قىزمەت ىستەيتىن ادام جۇرگىزگەن. وبلىستىق پوليتسيا دەپارتامەنتى قىزمەتتىك تەكسەرىس جۇرگىزىپ، ول ادام 24-قاڭتار كۇنى جۇمىستان قۋىلدى. ء-قازىر بارلىق ساراپتاما تاعايىندالىپ، تەرگەۋ ءجۇرىپ جاتىر» -، - دەلىنگەن الماتى وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.

اۆتور: سامال قابىشيەۆا



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات