«ءو ك م وپەراتور» ج ش س باسقارۋشى ديرەكتورىنىڭ مۇردەسى تابىلدى

بۇل اقپاراتتى نۇر- سۇلتان قالالىق پوليتسيا دەپارتامەنتى راستادى، دەپ حابارلايدى قازاقپارات ءتىلشىسى.

«ەر ادامنىڭ مۇردەسىنىڭ تابىلۋ فاكتىسى بويىنشا «ەسىل» اۋداندىق پوليتسيا ءبولىمى ق ر قىلمىستىق كودەكسىنىڭ 105-بابىمەن قىلمىستىق ءىس قوزعادى. قازىرگى ۋاقىتتا تەرگەۋدىڭ تولىقتىعىن جانە دۇرىستىعىن قامتاماسىز ەتۋ ماقساتىندا قاجەتتى تەرگەۋ امالدارى جۇرگىزىلىپ جاتىر»، - دەدى دەپارتامەنتتەن.

ايتا كەتەيىك، قىلمىستىق كودەكستىڭ 105-بابىندا جابىرلەنۋشىنى قورقىتۋ، وعان قاتىگەزدىكپەن قاراۋ نەمەسە ونىڭ ادامي قادىر- قاسيەتىن ۇنەمى قورلاۋ ارقىلى ادامدى ءوزىن- ءوزى ولتىرۋگە دەيىن نەمەسە ءوزىن- ءوزى ولتىرۋگە بارۋعا دەيىن جەتكىزۋ ءۇش جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالاناتىندىعى كوزدەلگەن.

بۇگىن ق ر ەكولوگيا، گەولوگيا جانە تابيعي رەسۋرستار ۆيتسە- ءمينيسترى احمەتجان ءپىرىمقۇلوۆ پەن «ءو ك م وپەراتورى» ج ش س باسقارما ءتوراعاسى مەدەت قۇمارعاليەۆتىڭ ۇستالعانىن جازعان بولاتىنبىز.

ەسكە سالا كەتەيىك، 2022 -جىلعى 11 - قاڭتاردا ق ر پارلامەنتى ءماجىلىسىنىڭ وتىرىسىندا سويلەگەن سوزىندە مەملەكەت باسشىسى قاسىم- جومارت توقايەۆ «ءو ك م وپەراتورى» ج ش س- ءنىڭ كادەگە جاراتۋ الىمىن جۇرگىزۋ جانە كادەگە جاراتۋ الىمىنا يەلىك ەتۋىن توقتاتۋ تۋرالى تاپسىرما بەردى. سونىڭ اياسىندا 2022 -جىلعى 18 - قاڭتاردا ق ر ۇكىمەتى «ق ر ەكولوگيا، گەولوگيا جانە تابيعي رەسۋرستار مينيسترلىگىنە ۆەدومستۆولىق باعىنىستى ۇيىمداردىڭ كەيبىر ماسەلەلەرى تۋرالى» قاۋلى قابىلدادى. وسىعان بايلانىستى وندىرۋشىلەردىڭ (يمپورتتاۋشىلاردىڭ) كەڭەيتىلگەن مىندەتتەمەلەرىنىڭ وپەراتورى بولىپ مەملەكەتتىك ۇيىم رەتىندە «جاسىل دامۋ» اكسيونەرلىك قوعامى ايقىندالدى.

اۆتور: مارلان جيەمباي