ۇلى بريتانيا تورتكۇندىك جۇمىس اپتاسىن ەنگىزبەكشى

None
None
نۇر-سۇلتان.قازاقپارات - ۇلى بريتانيا ءتورت كۇندىك جۇمىس اپتاسىن سىناپ كورمەكشى. جوبانى 4 Day Week Global باقىلايدى.

پيلوتتىق باعدارلامانىڭ باستالۋى 2022 -جىلدىڭ ماۋسىمىنا جوسپارلانعان. ول التى ايعا سوزىلادى، دەپ حابارلايدى Bloomberg.

ەكسپەريمەنت 100/80/100 ۇلگىسىن پايدالانادى. ياعني، 100 پايىز ەڭبەك ونىمدىلىگىن ەسكەرە وتىرىپ، جۇمىس ۋاقىتىنىڭ 80 پايىزى ءۇشىن جالاقىنىڭ 100 پايىزى تولەنەتىن بولادى. بۇل تاجىريبەگە قازىردىڭ وزىندە 30 كومپانيا قاتىساتىنى راستالدى.

جوبا اۆتورلارى ءتورت كۇندىك جۇمىس اپتاسى قىزمەتكەرلەردىڭ ىنتاسىن ارتتىرىپ، پسيحولوگيالىق جاعدايىن جاقسارتادى دەپ بولجايدى. سەبەبى، باسقا جەرلەردە ۇيىمداستىرىلعان وسىعان ۇقساس زەرتتەۋلەر سونداي ناتيجە كورسەتكەن. مىسالى، يسلانديادا جۇمىس اپتاسىنىڭ قىسقارۋى قىزمەتكەرلەرگە سترەسس دەڭگەيىن تومەندەتۋگە جانە جەكە ومىرلەرىن جاقسارتۋعا مۇمكىندىك بەردى. ال مايكروسوفتتىڭ جاپونياداعى كەڭسەسىندە جۇمىس كۇندەرىنىڭ قىسقارۋى ونىمدىلىكتىڭ %40 عا ارتۋىنا اكەلدى.

https://massaget.kz

سوڭعى جاڭالىقتار