قاسىم-جومارت توقايەۆ قىتاي مەن ورتالىق ازيا ەلدەرىنىڭ باسشىلارىن قازاقستانعا شاقىردى

None
None
نۇر-سۇلتان. قازاقپارات - ق ر پرەزيدەنتى قاسىم-جومارت توقايەۆ قىتاي مەن ورتالىق ازيا ەلدەرىنىڭ باسشىلارىن قازاقستانعا شاقىردى، دەپ حابارلايدى قازاقپارات.

«ورتالىق ازيا - ق ح ر» سامميتىنە قاتىسقان پرەزيدەنت قاسىم-جومارت توقايەۆ كۇزدە قازاقستان استاناسىندا وتەتىن ا و س ش ك مەرەيتويلىق سامميتىنە قاتىسۋعا شاقىردى.

«ءبىزدىڭ الىستى كوزدەگەن جوسپارلارىمىزدى تابىستى ىسكە اسىرۋ وڭىردە قاۋىپسىزدىكتى قامتاماسىز ەتپەسەك، مۇمكىن ەمەس. جاھاندىق تۋربۋلەنتتىلىك جالعاسۋى اياسىندا ءبىز بىرلەسىپ، ونىڭ ىشىندە شانحاي ىنتىماقتاستىق ۇيىمىنىڭ (ش ى ۇ) جاسامپازدىق الەۋەتىن پايدالانا وتىرىپ، ەۋرازيانىڭ ورتالىعىندا بەيبىتشىلىك پەن تۇراقتىلىقتى نىعايتۋ جولىندا جۇمىس ىستەي الار ەدىك. وسى ورايدا ازياداعى ءوزارا سەنىم شارالارى جونىندەگى كەڭەستىڭ ەلەۋلى مۇمكىندىكتەرىنە نازار اۋدارعىم كەلەدى. وسى فورۋمنىڭ قازىرگى ءتوراعاسى رەتىندە قازاقستان ا و س ش ك تيىمدىلىگىن ارتتىرۋ بويىنشا جۇيەلى قادامدار جاساۋدا»، - دەگەن مەملەكەت باسشىسى كەڭەستى ازياداعى قاۋىپسىزدىك جانە دامۋ ۇيىمىنا ترانسفورماتسيالاۋ تۋرالى ۇسىنىس ءبىلدىردى.

«بۇل ءبىزدىڭ قازىرگى سىن-قاتەرلەر مەن قاۋىپتەرگە قارسى ءىس-قيمىل جونىندەگى ۇجىمدىق كۇش-جىگەرىمىزدى ساپالى ءارى جاڭا دەڭگەيگە شىعارۋعا مۇمكىندىك بەرەر ەدى. قۇرمەتتى ارىپتەستەر، سىزدەرگە وسى باستامانى قولداعاندارىڭىز ءۇشىن العىس بىلدىرەمىن جانە وسى جىلدىڭ كۇزىندە قازاقستان استاناسىندا وتەتىن ا و س ش ك مەرەيتويلىق سامميتىنە قاتىسۋعا شاقىرامىن»، - دەدى قاسىم-جومارت توقايەۆ.

سوڭعى جاڭالىقتار