بەردىبەك ساپاربايەۆ كاسىپكەرلەرگە: وزىمىزدە وسەتىن پياز بەن قىرىققاباتتىڭ باعالارى اركەلكى

ايماق باسشىسى الەۋمەتتىك ماڭىزى بار ازىق- تۇلىك ونىمدەرىنىڭ باعاسىن تۇراقتاندىرۋ بويىنشا جۇيەلى جۇمىس جۇرگىزۋدىڭ ماڭىزدىلىعىن اتاپ ءوتتى.

«ەل پرەزيدەنتى قاسىم- جومارت توقايەۆ الەۋمەتتىك ماڭىزى بار ازىق- تۇلىك تاۋارلارى بويىنشا مەملەكەتتىك باعا رەتتەۋدى ەنگىزۋدى تاپسىردى. اپتا سايىن وسى ماسەلە بويىنشا ۇكىمەت وتىرىسى وتۋدە، جەرگىلىكتى اتقارۋشى ورگاندارعا باعانىڭ نەگىزسىز وسۋىنە جول بەرمەۋ بويىنشا شارالار قابىلداۋ تۋرالى مىندەتتەر جۇكتەلدى. مونيتورينگ قورىتىندىلارى كورسەتكەندەي، تارازداعى ءىرى ساۋدا ورتالىقتارىندا بىردەي تاۋارلار ءارتۇرلى باعادا ساتىلۋدا. بۇلاي بولمايدى. الەۋمەتتىك ماڭىزى بار تاۋارلاردىڭ بەلگىلەنگەن شەكتى باعالارى قاتاڭ ساقتالۋ قاجەت»، - دەپ اتاپ ءوتتى وبلىس اكىمى.

باسقوسۋدا كاسىپكەرلىك جانە يندۋستريالدى- يننوۆاتسيالىق دامىتۋ، اۋىل شارۋاشىلىعى باسقارمالارىنىڭ، مەملەكەتتىك كىرىستەر دەپارتامەنتىنىڭ، «تاراز- ا ك ك» ۇ ك» ا ق، وڭىرلىك كاسىپكەرلەر پالاتاسىنىڭ باسشىلارى اعىمداعى احۋال مەن اتقارىلىپ جاتقان جۇمىستار تۋرالى باياندادى. وبلىس اكىمى جەكەلەگەن ازىق- تۇلىك ونىمدەرىنىڭ باعاسىن تۇراقتاندىرۋ ءۇشىن سالالىق شارالار قابىلداۋدى تاپسىردى.

«وزىمىزدە وسەتىن پيازدىڭ، قىرىققاباتتىڭ باعالارى دا اركەلكى. اۋدان اكىمدەرى، جاۋاپتى باسقارما باسشىلارى ساۋدا جەلىلەرى مەن جەرگىلىكتى تاۋار وندىرۋشىلەر اراسىندا ۇزاق مەرزىمدى كەلىسىمشارتتار جاسالۋىن قامتاماسىز ەتۋى ءتيىس. الەۋمەتتىك ماڭىزى بار 19 ازىق- تۇلىكتىڭ 9 تۇرىمەن وبلىسىمىز ءوزىن- ءوزى قامتاماسىز ەتەدى، 8 ءتۇرى بويىنشا قامتاماسىز ەتۋ كورسەتكىشى 50 پايىزدان اسادى، تەك قاراقۇمىق پەن كۇرىش قانا بىزدە جوق. الەۋمەتتىك ماڭىزى بار ازىق- تۇلىك باعاسىنىڭ وسى ەكى ءتۇرىن جەتكىزۋ بويىنشا باسقا وڭىرلەرمەن مەموراندۋمدارعا قول قويىلعان»، - دەدى بەردىبەك ساپاربايەۆ.

سونداي- اق ايماق باسشىسى قولدانىستاعى زاڭناماعا سايكەس ءا م ا ت بويىنشا تاۋارلىق ۇستەمە باعانىڭ %15 اسىپ كەتۋ فاكتىلەرىنە جەدەل شارالار قابىلداۋدى، كوكونىس قويمالارىن جابدىقتاۋدى، جارمەڭكەلەر وتكىزۋدى جالعاستىرۋدى جانە دەلدالدىق سحەمالاردى جويۋدى تاپسىردى. ازىق- تۇلىك قاۋىپسىزدىگى ماسەلەلەرى جونىندەگى مونيتورينگىلىك توپتاردىڭ قۇرامى جاڭارتىلادى. قۇرامعا مەملەكەتتىك ورگانداردىڭ وكىلدەرى، قوعام قايراتكەرلەرى، دەپۋتاتتار، ب ا ق وكىلدەرى ەنەدى. «ءبىز ءوز پايدامىزدى ەمەس، حالىقتى ويلاۋىمىز كەرەك»، - دەدى وبلىس باسشىسى كاسىپكەرلەرگە.