التايدا قازاق حالقىنىڭ بايىرعى ءداستۇرلى تەرى شاڭعى مادەنيەتى ۇلىقتالدى - شەتەلدەگى قازاق باسپا ءسوزى

التايدا قازاق حالقىنىڭ بايىرعى ءداستۇرلى تەرى شاڭعى مادەنيەتىن ۇلىقتاعان مەرەكە ءوتتى - اعاجاي- التاي

قىتايدىڭ التاي قالاسىنداعى گەنارال تاۋى حالىقارالىق شاڭعى بازاسىندا قازاق حالقىنىڭ بايىرعى ءداستۇرلى تەرى شاڭعى مادەنيەتىن ۇلىقتاعان مەرەكە اتالىپ ءوتتى، دەپ حابارلايدى kazakh.altxw.com سايتى.

اتالعان ب ا ق- تىڭ جازۋىنشا، بۇل ەرەكشە مەرەكەلىك ءىس- شاراعا قىتاي ەلىنىڭ ءار وبلىسىنان كەلگەن تۋريستەر مەن قوناقتار قاتىسقان. وسى مادەني شارانىڭ اشىلۋ سالتاناتىندا كوپشىلىككە قازاق ۇلتىنىڭ ءداستۇرلى مادەنيەتى كورسەتىلىپ، بايىرعى ءداستۇرلى تەرى شاڭعى ارنايى تانىستىرىلدى. سونداي- اق، التاي ايماعىن مەكەندەپ، ەجەلدەن تەرى شاڭعىنى جاساۋ ءھام پايدالانۋ ءداستۇرىن ۇزبەي جالعاپ كەلە جاتقان ءوڭىر قازاقتارىنان قۇرالعان 100 ادامدىق كوماندا ۇلتتىق كيىمدەرىن كيىپ، تەرى شاڭعىلارىمەن تاۋ بەتكەيىنەن سىرعاناپ ءتۇسىپ، كورەرمەندەر الدىنان سالتاناتتى شەرۋمەن ءوتتى. اتالعان شارادا بۇدان باسقا دا ءتۇرلى سپورتتىق ويىندار ۇيىمداستىرىلعان. سولاردىڭ ىشىندە 200-دەن استام مەكتەپ وقۋشىسى قار شاڭعى ويىندارىنا ارنالعان ءتۇرلى قويىلىمدار كورسەتىپ، ءان ايتىپ، بي بيلەپ جۇرتتىڭ ەرەكشە ىقىلاسىنا بولەنگەن. التاي قالاسىندا 2018 -جىلدان بەرى قار شاڭعى سپورتى ساباعى مەكتەپ باعدارلاماسىنا ەنگىزىلگەن بولاتىن.

ايتا كەتەيىك، ەرتە كەزدە ادامداردىڭ كۇندەلىكتى تىرشىلىگىنە قاجەتتى كولىك قۇرالى بولعان، ال قازىرگى كۇنى قىسقى سپورتتىڭ نەگىزگى ءتۇرى سانالاتىن شاڭعىنىڭ العاش پايدا بولعان وتانى قازاقتار قونىستانعان التاي ولكەسى ەكەنى وسىدان ءبىراز جىل بۇرىن ايگىلەندى. عالىمدار 2005 -جىلى قىتايدىڭ التاي ايماعىنداعى شاڭعى تەبۋ بەينەلەنگەن جارتاس سۋرەتىن زەرتتەپ، ونى ءبىزدىڭ زامانىمىزدان بۇرىنعى 10 مىڭ جىلدىڭ الدىنداعى جادىگەر رەتىندە مويىنداعان. وسىدان كەيىن 2007 -جىلى «التاي تاۋى ەڭ بايىرعى قار شاڭعىسىنىڭ مەكەنى» دەپ گيننەستىڭ رەكوردتار كىتابىنا ەنگىزىلگەن.

التاي قالاسىنىڭ ىرگەسىندەگى نوعايتى اۋىلىندا تۇراتىن سىلامبەك ساقاش ۇلى بايىرعى قار شاڭعىسى ماتەريالدىق مۇراسىنىڭ جالعاستىرۋشى، مۇراگەرى رەتىندە تانىلعان. اۋىلدا سىلامبەك اقساقال باستاعان ءبىر توپ قار شاڭعى جاساۋ شەبەرلەر تۇرادى. سوندىقتان دا بۇل اۋىلعا دا تەرى شاڭعىنىڭ جاسالۋ ەرەكشەلىگىن كورۋگە ساياحاتشىلار ارنايى اتباسىن بۇرادى.

پاديشالاردىڭ پورترەتتەرى اۋكتسيوندا ساتىلدى- TRT

شوتلانديادا ءۇيدىڭ توبەسىنەن تابىلعان، نەشە ۇرپاقتان بەرى ءبىر وتباسىنىڭ قولىندا بولعان وسمانلىنىڭ بەس پاديشاسىنىڭ پورترەتتەرى 1 ميلليون 346 مىڭ ستەرلينگە ساتىلدى، دەپ حابارلايدى تۇركيا راديو تەلەۆيزيا پورتالى.

«ۇلى بريتانيادا Sotheby’s اۋكسيون ءۇيى كوللەكسياعا 50-70 مىڭ ستەرلين قۇن جاريالاعان بولاتىن. 17-عاسىردا سالىنعان كارتينالاردىڭ شامامەن ءبىر عاسىردان بەرى جارىققا شىقپاعانى ايتىلدى. بۇل جولعى اۋكسيونعا بەيازىت 1 ، مەحمەت 1 ، مۇرات II جانە بەيازىت II مەن كانۋني سۇلتان سۇلەيماننىڭ پورترەتتەرىمەن قوسا اقساق تەمىردىڭ كارتيناسى دا شىعارىلعان» دەپ جازادى TRT.

قازاقستان ەلشىلىگى ەلدەگى جاعدايعا بايلانىستى بريفينگ وتكىزدى - KAZNEWS

قازاقستان رەسپۋبليكاسىنىڭ موڭعولياداعى توتەنشە جانە وكىلەتتى ەلشىسى جالعاس ادىلبايەۆ موڭعوليانىڭ جەتەكشى ب ا ق وكىلدەرى ءۇشىن بريفينگ وتكىزىپ، قازاقستانداعى اعىمداعى جاعداي تۋرالى مالىمەت بەردى، دەپ حابارلايدى موڭعوليانىڭ Kaznews اقپارات پورتالى.

ءىس- شارا باسىندا وقيعالار دامۋىنىڭ ەگجەي- تەگجەيىن كورسەتەتىن دەرەكتى بەينەروليك كورسەتىلدى. ەلشى ج. ادىلبايەۆ جاڭاوزەن قالاسىنداعى بەيبىت ميتينگىلەردەن باستاپ الماتى مەن قازاقستاننىڭ باسقا دا قالالارىنداعى قايعىلى وقيعالارعا دەيىنگى وقيعالاردىڭ جەلىسىن ەگجەي- تەگجەيلى ايتىپ بەردى. ول لاڭكەستىك توپتاردىڭ ەلىمىزدىڭ كونستيتۋتسيالىق قۇرىلىمىنا نۇقسان كەلتىرۋگە ارەكەتتەنگەنىن، اكىمشىلىك مەكەمەلەرگە، پوليتسيا بولىمشەلەرىنە، بەيبىت تۇرعىندارعا، سونىڭ ىشىندە مەديتسينا قىزمەتكەرلەرىنە، ءورت سوندىرۋشىلەر مەن جۋرناليستەرگە جاپپاي قارۋلى شابۋىلدار جاساعانىن اتاپ ءوتتى.

سونداي- اق قازاقستاندىق ديپلومات توتەنشە جاعداي رەجيمى كەزىندە ادام ولىمىنە، قايعىلى وقيعالارعا جانە قۇقىق بۇزۋشىلىقتارعا قاتىستى سوڭعى فاكتىلەردى كەلتىردى. ج. ادىلبايەۆ جۋرناليستەردىڭ نازارىن قۇقىق قورعاۋ ورگاندارى مەن قازاقستان رەسپۋبليكاسىنىڭ قارۋلى كۇشتەرى كەيبىر ب ا ق بۇرمالاپ كورسەتەتىندەي «بەيبىت شەرۋشىلەرگە» ەمەس، لاڭكەستەرگە قارسى تۇرعانىنا اۋداردى.

قازاقستاندىق ديپلوماتيالىق ميسسيانىڭ باسشىسى قازاقستاننىڭ ۇ ق شۇ- عا بىتىمگەرشىلىك كونتينگەنتىن جىبەرۋ تۋرالى وتىنىشىمەن زاڭدى تۇردە جۇگىنگەنىن، ول ءوز ميسسياسىن ءساتتى ورىنداپ، تاراپتار ءوزارا كەلىسكەندەي قازاقستاننىڭ اۋماعىنان كەزەڭ- كەزەڭىمەن شىعارىلعانىن ايتتى.

ەلشى پرەمەر- مينيستر ا. سمايىلوۆ باستاعان ۇكىمەتتىڭ جاڭا قۇرامى مەن مەملەكەت باسشىسىنىڭ ەلىمىزدەگى الەۋمەتتىك- ەكونوميكالىق دامۋ مەن ساياسي رەفورمالاردى ودان ءارى جەتىلدىرۋ جونىندەگى تاپسىرمالارىنا توقتالدى.

ديپلومات بريفينگكە قاتىسۋشىلاردى قازاقستاندىق- موڭعول دوستىق قارىم- قاتىناستاردىڭ مىزعىمايتىنىنا، سونداي- اق ەلىمىزدەگى شەتەلدىك ينۆەستيتسيالار مەن ديپلوماتيالىق كورپۋستىڭ قاۋىپسىزدىگى قامتاماسىز ەتىلەتىنىنە سەندىردى. قازاقستاننىڭ موڭعولياداعى ەلشىلىگى بيىل قازاقستان مەن موڭعوليا اراسىنداعى ديپلوماتيالىق قارىم- قاتىناستىڭ 30 جىلدىعىنا ارنايى جوسپارلانعان بارلىق ءىس- شارالاردى جۇزەگە اسىرۋعا مۇددەلى ەكەنى جەتكىزىلدى. بريفينگ سوڭىندا جۋرناليستەر ەلشىگە ەلىمىزدەگى قالىپتاسقان جاعدايلار مەن تاراپتار اراسىنداعى ىنتىماقتاستىق شارالارى تۋرالى سۇراقتارعا جاۋاپتار الدى» - دەپ جازدى Kaznews.

وزبەكستاندا ۇشقىشسىز باسقارىلاتىن اپپاراتتار شىعارۋ جولعا قويىلدى – ءو ز ا

وزبەكستاندا زاماناۋي تەحنولوگيالار نەگىزىندە ۇشقىشسىز ۇشاتىن اپپاراتتار شىعارۋ جولعا قويىلدى ، دەپ جازادى وزبەكستاننىڭ ءو ز ا مەملەكەتتىك اقپارات اگەنتتىگى.

قورعانىس ونەركاسىبى مەملەكەتتىك كوميتەتىنىڭ حابارلاۋىنشا، كوميتەتتىڭ جانىنان ۇشقىشسىز ۇشاتىن اپپاراتتاردىڭ عىلىمي- وندىرىستىك ورتالىعى قۇرىلدى. ورتالىق حالىقارالىق تەحنيكالىق تالاپتار مەن ستاندارتتارعا تولىق جاۋاپ بەرەتىن «لوچين» (لاشىن) ۇشقىشسىز ۇشاتىن اپپاراتتارىن شىعارۋدى جولعا قويدى. ەكى ماقساتقا ارنالعان بۇل ۇلتتىق جوبا ورتالىق ازياداعى العاش رەت وزبەكستاندا ازىرلەنىپ، ىسكە قوسىلعان بولىپ، مۇنداعى ورتالىق ۇشقىشسىز ۇشاتىن اپپاراتتاردى وندىرۋگە، قۇراستىرۋعا، جوندەۋگە جانە ولارعا تەحنيكالىق قىزمەت كورسەتۋگە قاجەتتى قۇرال- جابدىقتار تولىق قامتىلعان. قورعانىس ونەركاسىبى مەملەكەتتىك كوميتەتى ورتالىقتى جاس كادرلاردى دايارلاۋ، جەتەكشى شەت مەملەكەتتەردە تاعىلىمدامادان ءوتۋ جانە بىلىكتىلىگىن ارتتىرۋ ارقىلى ۇشقىشسىز اۆياتسيا سالاسىنداعى ماماندارمەن تولىقتىرىپ جاتقانى ايتىلدى.

«ۇلتتىق برەندپەن ازىرلەنگەن ۇشاق جانە كۆادروكوپتەر تۇرىندەگى «لوچين» ۇشقىشسىز ۇشاتىن اپپاراتى بارلاۋ، سوققى بەرۋ، ناقتى ۋاقىتتاعى باقىلاۋ، ارتيللەريالىق اتىستى باسقارۋ سالالارىندا قوسا العاندا اۋىل شارۋاشىلىعى، مۇناي جانە گاز، ورمان شارۋاشىلىعى تەمىر جول، گەولوگيا، ىزدەستىرۋ، كارتوگرافيا، توپوگەودەزيا، داقىلداردى دەفولياتسيالاۋ، قورىقتار، جولدار، الەۋمەتتىك ينفراقۇرىلىم مەن ماڭىزدى نىسانداردى باقىلاۋ جانە باسقا دا ءارتۇرلى ماقساتتارعا پايدالانۋ مۇمكىندىگىنە يە»، - دەپ جازادى ءوزا اقپارات اگەنتتىگى.

يران الەمدەگى ەلەكتر ستانسيا سالاتىن 14 ەلدىڭ قاتارىنا كىرەدى – فارس

يراننىڭ ەنەرگەتيكا ءمينيسترىنىڭ عىلىمي- زەرتتەۋ سالاسىنداعى ورىنباسارى يراننىڭ ەلەكتر ستانسيا سالۋ تۇرعىسىنان الەمدەگى ەڭ ۇلكەن ون ءتورت ەلدىڭ ءبىرى ەكەنىن مالىمدەدى، دەپ حابارلايدى يراننىڭ Parstoday اقپارات اگەنتتىگى.

«يراننىڭ ەنەرگەتيكا ءمينيسترىنىڭ عىلىمي- زەرتتەۋ سالاسىنداعى ورىنباسارى اندجام شواا: «يراننىڭ ەلەكتر قۋاتى سالاسىندا مامانداردىڭ تالپىنىستارىمەن ۇلكەن قادامدار جاسالىپ، 86 مىڭ مۆت- تان استام قۋاتى بار ەلەكتر ستانسياسى سالىندى. ەلەكتر تاراتۋ جەلىلەرىنىڭ ۇزىندىعى - 54800 ك م. ەنەرگەتيكا مينيسترلىگى 54 ميلليارد تەكشە مەتر سۋ ساقتايتىن 715 بوگەتپەن بىرگە 30 مىڭ شاقىرىم سۋ تاسىمالدايتىن جەلىلەردى باسقارادى» دەپ جازادى Parstoday اقپارات اگەنتتىگى.

اۆتور: باقىتجول كاكەش