نۇر- سۇلتاندا بالا كۇتۋشى بىرنەشە اي بويى ءۇي يەسىن توناپ كەلگەن

دەپ حابارلايدى قازاقپارات نۇر- سۇلتان قالاسىنداعى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

2021 -جىلدىڭ قاراشا ايىنان باستاپ قازىرگى ۋاقىتقا دەيىن كۇتۋشى بولىپ جۇمىس ىستەيتىن قىز جۇمىس بەرۋشىدەن 1 ميلليون تەڭگە كولەمىندە اقشا، زەرگەرلىك بۇيىمدار، گادجەت جانە كيىمدەر ۇرلاپ كەلگەن.

ارىزدانۋشىنىڭ ايتۋىنشا، ول كۇتۋشىنى جۇمىسپەن قامتۋ اگەنتتىگى ارقىلى تاپقان. باستاپقىدا قىز ەكى بالاعا قاراپ، سەنىمگە كىرىپ، وتباسىن جۇيەلى تۇردە توناي باستاعان. باسىندا اقشا جوعالا باستادى، ونى جابىرلەنۋشى بايقامادى. كۇتۋشى التىن بۇيىمداردى، كيىم- كەشەك پەن گادجەتتى ۇرلاي باستاعاندا كۇدىكتەنە باستاعان ءۇي يەسى پوليتسياعا حابارلاعان.

كۇتۋشى تۇراتىن بولمەنى تەكسەرۋ بارىسىندا پوليتسەيلەر ۇرلانعان زاتتاردىڭ ءبارىن تاۋىپ، تاركىلەدى. اتالعان ءىس بويىنشا سوتقا دەيىنگى تەرگەۋ امالدارى ءجۇرىپ جاتىر. كۇدىكتى ءوز كىناسىن مويىنداپ، ەلوردا اۋماعىندا بۇرىن جاسالعان وسىعان ۇقساس قىلمىستارعا قاتىسى بار- جوعى تەكسەرىلۋدە. نۇر- سۇلتان قالاسىنىڭ پوليتسيا دەپارتامەنتى ازاماتتارعا بەيتانىس ادامدارعا سەنبەۋدى جانە باعالى زاتتاردى قاراۋسىز قالدىرماۋدى ەسكەرتەدى.

اۆتور: سماعۇلوۆا ەركەجان