الماتىدا جاڭا قاۋلى قابىلدانىپ، كارانتين شارالارى جەڭىلدەدى
باس سانيتاردىڭ مۇنىڭ الدىنداعى 2022 -جىلعى 13- قاڭتارداعى №1 قاۋلىسىنا وزگەرىستەر مەن تولىقتىرۋلار ەنگىزىلدى. وعان سايكەس:
- سپورت- ساۋىقتىرۋ ورتالىقتارىنا، مونشالارعا، ساۋنالارعا، باسسەيندەرگە تەك «جاسىل» مارتەبەسى بار جانە كوروناۆيرۋستق ينفەكسياعا قارسى ۆاكسيناتسيالاۋعا تۇراقتى مەديتسينالىق قارسى كورسەتىلىمى بار ادامدارعا عانا رۇقسات بەرىلەدى؛
- «Ashyq» جوباسىنا قاتىساتىن الەۋمەتتىك- ەكونوميكالىق وبەكتىلەردىڭ قىزمەتىن قازاقستان رەسپۋبليكاسىنىڭ باس مەملەكەتتىك سانيتاريالق دارىگەرىنىڭ 2022 -جىلعى 13- قاڭتارداعى №1 قاۋلىسىنىڭ 4 جانە 5 قوسىمشالارىنا سايكەس ولشەمشارتتارىنا سايكەس جۇزەگە اسادى؛
- تىرشىلىكتى قامتاماسىز ەتۋ جانە كوممۋنالدىق شارۋاشىلىق وبەكتىلەرىن قوسپاعاندا، قىزمەتكەرلەردىڭ COVID-19-عا قارسى ۆاكسيناتسيالانۋى جەنە ريەۆاكتسيناتسيالانۋىنا قاراماستان، مەملەكەتتىك ورگانداردىڭ، ۇلتتىق كومپانيالاردىڭ اكىمشىلىك پەرسونالىنىڭ جانە بارلىق مەنشىكتىڭ نىسانىنداعى كاسىپورىندار مەن ۇيىمداردىڭ كەڭسە قىزمەتكەرلەرىنىڭ كەمىندە %70 قاشىقتان جۇمىس ىستەۋ رەجيمىنە اۋىستىرىلادى.
سونداي- اق، 24- قاڭتاردان باستاپ وقىتۋ فورماتىندا وزگەرىستەر بولادى. ياعني:
- مەكتەپكە دەيىنگى ۇيىمداردا اتا- انالاردىڭ ءوتىنىشى بويىنشا شتاتتىق فورماتتا؛
جالپى ءبىلىم بەرەتىن مەكتەپتەردە («قىزىل» ايماق):
- 1-4 -باستاۋىش سىنىپتار (حالىقارالىق مەكتەپتەردە 1-6-سىنىپتار) شتاتتىق فورماتتا؛
- 600 وقۋشىعا دەيىنگىنى قوسا العاندا - شتاتتىق فورماتتا؛
- 600 وقۋشىدان جوعارى - مەكتەپتەردىڭ جوبالىق قۋاتىنىڭ % 50- نان اسپايتىن جۋكتەمەمەن شتاتتىق فورماتتا؛
- مەكتەپتەن تىس ۇيىمداردا، قوسىمشا ءبىلىم ۇيىمدارىندا، بالالار مەن ەرەسەكتەرگە ارنالعان تۇزەتۋ ورتالىقتارىندا شتاتتىك فورماتتا؛
- جوعارى وقۋ ورىندارىندا جانە كوللەدجدەردە («قىزىل» ايماق) ارالاس فورماتتا - پراكتيكالىق، زەرتحانالىق، سەمينار ساباقتار، پراكتيكا كەستە بويىنشا شتاتتىق رەجيمدە، ءدارىس ونلاين وتكىزىلەدى.
الماتى قالاسىنىڭ باس مەملەكەتتىك سانيتاريا دارىگەرىنىڭ جاڭا قاۋلىسىنىڭ تولىق ماتىنىمەن وسى سىلتەمەدە تانىسا الاسىزدار.
اۆتور: دۋمان ارعىنگەلدى