وميكرون بەلگىلەرى بايقالعاندا نە ىستەۋ كەرەك؟ - مامان جاۋابى
ول «وميكرون» كوروناۆيرۋسىنىڭ شتاممى جىلدام تاراي باستاعانىن ەسكە سالدى. اۋرۋ ادەتتە جەڭىل، باسقا شتاممدارعا قاراعاندا اۋرۋحاناعا جاتقىزۋدى ازىراق تۋدىرادى، ءبىراق جۇقپالى بولىپ سانالادى.
«دەنساۋلىعىڭىزدى مۇقيات قاداعالاڭىز جانە ەگەر اۋرۋ بەلگىلەرىن سەزسەڭىز، ەمدەۋدى اۋرۋدىڭ العاشقى كۇندەرىنەن باستاپ، كەيىنگە قالدىرماۋ كەرەك»، - دەدى دارىگەر.
ول جاڭا شتامنىڭ بەلگىلەرى سۋىق تيۋگە وتە ۇقساس ەكەنىن، بۇل مۇرىن بىتەلۋى، السىزدىك جانە تاماق اۋرۋى ەكەنىن ءتۇسىندىرىپ، «وميكروندى» ادەتتەگى ادىستەرمەن ەمدەۋ كەرەكتىگىن ايتتى.
«تاماقتاعى قابىنۋدى جەڭىلدەتۋ ءۇشىن انتيسەپتيكالىق ەرىتىندىلەردى قولدانعان دۇرىس. مۇنداي انتيسەپتيكپەن تاماقتى كۇنىنە 4-5 رەت شايۋ كەرەك. اۋرۋ بەلگىلەرىن ازايتۋ ءۇشىن تابلەتكالاردى نەمەسە سپرەيلەردى قولدانۋعا بولادى، ولاردى كۇنىنە ەكى- ءۇش رەتتەن ارتىق قولدانۋعا بولمايدى»، - دەدى دارىگەر.
تۇزدى سپرەيلەر نەمەسە ۆازوكونستريكتورلى تامشىلار مۇرىن بىتەلۋىن جەڭىلدەتۋ ءۇشىن جاقسى. بۇل جاعدايدا مۇنداي سۇيىقتىقتى جەتى كۇننەن ارتىق قولدانۋعا بولمايدى. ۇزاق ۋاقىتقا سوزىلعان رينيت ءۇشىن تۇزدى ەرىتىندىلەر قولايلى.
«جەڭىل جانە تەز وتەتىن بەلگىلەردە سيمپتوماتيكالىق ەمدەۋ جەتكىلىكتى ەكەنىن ەستە ۇستاعان ءجون جانە انتيبيوتيكتەردى قابىلداۋعا اسىقپاڭىز. بۇل پرەپاراتتاردى تەك دارىگەر تاعايىنداعان سوڭ جانە ەمدەۋدىڭ جوسپارلانعان كۋرسىنا قاتاڭ سايكەس قولدانۋ كەرەك»، - دەدى ول.
ۇيدە جانە جۇمىستا بولمەنى ۇنەمى جەلدەتىپ، ىلعالداندىرۋ اۋرۋدىڭ اعىمىن جەڭىلدەتەتىنىن جانە ينفەكتسيانىڭ تارالۋىن بولدىرمايدى. تازا اۋا، ەڭ الدىمەن، قارتتار مەن سوزىلمالى دەرتكە شالدىققان ادامدارعا قاجەت.
ايتا كەتەيىك، دجوردج ۆاشينگتون ۋنيۆەرسيتەتىنىڭ پروفەسسورى، ۆيرۋسولوگ كونستانتين چۋماكوۆ راديو روسسيي ەفيرىندە «وميكروننىڭ» باسقا شتاممداردان نەگىزگى ايىرماشىلىعىن اتاعان بولاتىن.
«وميكروننىڭ» «دەلتا» نۇسقاسىنان ايىرماشىلىعى - نەگىزىنەن ول تەرەڭ ەمەس، جوعارعى تىنىس جولدارىنا اسەر ەتەدى. بۇل اۋرۋ وكپەنىڭ قابىنۋىنا ۇلاسپايدى«، - دەيدى پروفەسسور.
چۋماكوۆ ءالى بىردە- ءبىر پاندەميا ەكى- ءۇش جىلدان استام ۋاقىتقا سوزىلماعانىن اتاپ ءوتتى. ءتىپتى «يسپان تۇماۋى« كەزىندە دە 50 دەن 100 ميلليونعا دەيىن ادام قايتىس بولدى. كەيىن ۆيرۋس ماۋسىمدىق تۇماۋعا اينالدى.
«وميكروننىڭ« پايدا بولۋى پاندەميانىڭ اياقتالۋىنىڭ بەلگىسى»، - دەپ تۇيىندەدى عالىم.