رەسەيدىڭ ورتالىق بانكى كريپتوۆاليۋتا مەن ماينينگكە تىيىم سالۋدى ۇسىندى
بۇل تۋرالى رەتتەۋىشتىڭ بايانداماسىندا ايتىلعان، دەپ حابارلايدى قازاقپارات ت ا س س- قا سىلتەمە جاساپ.
«رەزەرۆتىڭ ۆاليۋتا بولىپ سانالمايتىن رەسەيلىك رۋبل مارتەبەسى رەسەيدە قاۋىپ- قاتەردىڭ ءورشۋىن ەلەمەۋگە مۇمكىندىك بەرمەيدى. ءبىزدىڭ ويىمىزشا، قوسىمشا شارا قولدانۋ كەرەك»، - دەلىنگەن قۇجاتتا.
«كريپتوۆاليۋتانىڭ تارالۋىنا نەگىزدەلگەن قاۋىپ- قاتەردى ازايتۋ ماقساتىندا رەسەي بانكى زاڭناماعا ءبىرقاتار وزگەرىس ەنگىزۋدى ۇسىنادى. ر ف اۋماعىندا كريپتوۆاليۋتا اينالىمىن ۇيىمداستىرۋعا نەمەسە ونى شىعارۋعا تىيىم سالىنۋ قاجەت جانە وسى تىيىمدى بۇزعانداردى جاۋاپقا تارتۋ كەرەك»، - دەلىنگەن رەتتەۋىشتىڭ ۇسىنىسىندا.
سونداي- اق كريپتوۆاليۋتانى تاۋار، جۇمىس جانە قىزمەت اقىسىن تولەۋ قۇرالى رەتىندە قولدانۋعا تىيىم سالىپ، ونى بۇزعانداردى جاۋاپقا تارتۋ ۇسىنىلدى. رەتتەۋشى رەسەيدە كريپتوۆاليۋتا ماينينگىنە تىيىم سالۋ وڭتايلى شەشىم دەپ ەسەپتەيدى.