جاڭا ۋتيليزاتسيالىق الىم اقپان ايىنىڭ سوڭىنا دەيىن بەكىتىلەدى - مينيسترلىك

بۇل تۋرالى ق ر ەكولوگيا، گەولوگيا جانە تابيعي رەسۋرستار مينيسترلىگىنەن ءمالىم ەتتى، دەپ حابارلايدى قازاقپارات ءتىلشىسى.

«2022-جىلعى 11- قاڭتاردا ق ر پارلامەنتى ءماجىلىسىنىڭ وتىرىسىندا سويلەگەن سوزىندە مەملەكەت باسشىسى قاسىم-جومارت توقايەۆ «و ك م وپەراتورى» ج ش س- ءنىڭ كادەگە جاراتۋ الىمىن جۇرگىزۋ جانە كادەگە جاراتۋ الىمىنا يەلىك ەتۋدى توقتاتۋ جونىندە ءىس-شارالار قابىلداۋعا تاپسىرما بەردى.

وسى تاپسىرمانى ورىنداۋ اياسىندا 2022-جىلعى 18- قاڭتاردا ق ر ۇكىمەتى «قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار مينيسترلىگىنە ۆەدومستۆولىق باعىنىستى ۇيىمداردىڭ كەيبىر ماسەلەلەرى تۋرالى» قاۋلى قابىلدادى.

وسىعان بايلانىستى وندىرۋشىلەردىڭ (يمپورتتاۋشىلاردىڭ) كەڭەيتىلگەن مىندەتتەمەلەرىنىڭ وپەراتورى بولىپ مەملەكەتتىك ۇيىم رەتىندە «جاسىل دامۋ» اكسيونەرلىك قوعامى ايقىندالدى.

«و ك م وپەراتورى» ج ش س- ءنىڭ كادەگە جاراتۋ الىمىن اكىمشىلەندىرۋ جانە ءتيىستى قاراجاتتارعا بيلىك ەتۋ بولىگىندەگى قىزمەتى توقتاتىلدى»، - دەپ اتاپ وتەدى مينيسترلىكتەن.

ۆەدومستۆو مالىمەتىنشە، بۇگىنگى كۇنى ءتيىستى ۋاكىلەتتى ورگاندار اكتيۆتەردى مەملەكەتتىك مەنشىككە بەرۋ، ۋاكىلەتتى ورگانداردىڭ قورىتىندىلارىن ۇسىنۋ، «جاسىل دامۋ» ا ق بالانسىنا بەرۋ، اكسيونەرلىك قوعامدى ادىلەت ورگاندارىندا قايتا تىركەۋ جانە باسقا دا ءىس-شارالاردى قابىلداپ جاتىر.

ايتا كەتەرلىگى، «جاسىل دامۋ» اكتسيونەرلىك قوعامى ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ قاراماعىنداعى ۇيىم سانالادى.

«ۋتيليزاتسيالىق الىمنىڭ كوەففيتسيەنتتەرىن تومەندەتۋ ماسەلەسى بويىنشا ق ر مەملەكەت باسشىسىنىڭ تاپسىرماسىنا سايكەس كادەگە جاراتۋ الىمىنىڭ كوەففيتسيەنتتەرىن قايتا قاراۋ بويىنشا ۆەدومستۆوارالىق جۇمىس توبى قۇرىلدى. بۇل مولشەرلەمەلەر وسى جىلدىڭ اقپان ايىنىڭ سوڭىنا دەيىن قارالىپ، بەكىتىلەدى. جوعارىدا كورسەتىلگەن جۇمىس توبىنىڭ قىزمەت ناتيجەلەرى تۋرالى اقپارات مينيسترلىكتىڭ ينتەرنەت- رەسۋرسىندا ورنالاستىرىلادى. كورسەتىلگەن ۋاقىتقا دەيىن كادەگە جاراتۋ الىمى «جاسىل دامۋ» ا ق وپەراتورىنا قولدانىستاعى مولشەرلەمەلەر بويىنشا تولەنۋدە»، - دەلىنگەن مينيسترلىك اقپاراتىندا.

ەسكە سالساق، ۋتيليزاتسيالىق الىم ماسەلەسىن رەتتەۋ ءۇشىن ەكولوگيا، قارجى جانە ۇلتتىق ەكونوميكا مينيسترلىكتەرى ۇكىمەتكە بىرلەسكەن ۇسىنىس ازىرلەپ، ەنگىزەتىن بولدى. سونىمەن قاتار مەملەكەت باسشىسى قاسىم-جومارت توقايەۆ ۋتيلدىك الىم ستاۆكالارىن قايتا قاراۋدى تاپسىردى.

«كاسىپكەرلەر مەن جالپى قوعامدا «وپەراتور روپ» كومپانياسىنىڭ قىزمەتى كوپتەگەن سۇراق تۋىنداتىپ وتىر. ءتىپتى وسى جەكە كومپانياعا قارسى قوعامدىق قوزعالىس تا ۇيىمداستىرىلدى. مەن ۇكىمەتكە «وپەراتور روپ» ۋتيلدىك الىم جيناۋىن اكىمشىلەندىرۋدى تىيىم سالۋىن تاپسىرامىن. مۇنىمەن شەت مەملەكەتتەردەگىدەي مەملەكەتتىك ۇيىم اينالىسۋى كەرەك. الىمداردىڭ وزىنە كەلسەك، ولاردىڭ ستاۆكاسى قايتا قارالۋى ءتيىس»، - دەدى پرەزيدەنت.