پوليتسيا نۇر-سۇلتانعا ەسىرتكى جەتكىزۋدىڭ جولىن كەستى

None
None
نۇر-سۇلتان. قازاقپارات - ءتارتىپ ساقشىلارى نۇر-سۇلتانعا سينتەتيكالىق ەسىرتكى جەتكىزۋ جەلىسىن كەستى، - دەپ حابارلايدى Tengrinews.kz ءتىلشىسى ەلوردالىق پوليتسيا دەپارتامەنتى باسپا ءسوز قىزمەتىنە سىلتەمە جاساپ.

پ د مالىمەتىنشە، پەتروۆ كوشەسىندە 23 جاستاعى كۇدىكتى ۇستالعان. پوليتسيا قىزمەتكەرلەرى ءتىنتۋ بارىسىندا ۇستالعان ازاماتتان 29 بۋما ەسىرتكى تاۋىپ، تاركىلەگەن.

«ەسىرتكى ساتۋشىسى» تاۋاردى جەكە ينتەرنەت-دۇكەنى ارقىلى وتكىزىپ، ادام كوپ جينالاتىن جەرگە جاسىرىپ كەتەدى. جەدەل-ىزدەستىرۋ ءىس-شارالارى بارىسىندا ۇستالعان ادام پوليتسيا قىزمەتكەرلەرىنە ەسىرتكى زاتتارى جاسىرىلعان ورىنداردى كورسەتتى»، - دەلىنگەن حابارلامادا.

ەر ادام قاماۋعا الىنعان. وعان قىلمىستىق كودەكستىڭ 297-بابى 3-بولىگى «ەسىرتكى، پسيحوتروپتىق زاتتاردى، سول تەكتەستەردى زاڭسىز دايىنداۋ، قايتا وڭدەۋ، يەمدەنۋ، ساقتاۋ، وتكىزۋ ماقساتىندا تاسىمالداۋ، جونەلتۋ نەمەسە وتكىزۋ» بويىنشا ايىپ تاعىلعان. باپ سانكتسياسى مۇلىكتى تاركىلەي وتىرىپ، 15 جىلعا دەيىن باس بوستاندىعىنان ايىرۋ جازاسىن كوزدەيدى.


سوڭعى جاڭالىقتار