قىتاي تۇرعىنى كانادادان پوشتا ارقىلى حات الىپ، وميكرون جۇقتىردى

None
None
نۇر- سۇلتان. قازاقپارات - بەيجىڭ تۇرعىنى كانادادان پوشتا ارقىلى حات الىپ، وميكرون جۇقتىردى. ناۋقاس كەيىنگى 14 كۇن ىشىندە شاھاردان شىقپاعان. ماماندار حاتتى تەكسەرە كەلە، وندا ۆيرۋس بار ەكەنىن انىقتادى.

ەندى جەرگىلىكتى بيلىك تۇرعىنداردى وزگە ەلدەن تاۋار الۋدى ۋاقىتشا دوعارۋعا شاقىرادى. پوشتا قىزمەتى دە ساقتىققا كوشتى.

لين حان، حايديان اۋدانى مەرىنىڭ ورىنباسارى:

- پوشتا ارقىلى شەتەلدەن كەلگەن زاتتى سىرتتا ماسكا مەن قولعاپ كيىپ اشۋ كەرەك. ال ونىڭ قاپتاماسىن ۇيگە كىرگىزبەگەن ءجون. ويتپەگەن جاعدايدا ءىشىن جانە سىرتىن حلورلانعان سۇيىقتىقپەن نەمەسە 75 پروتسەنتتىك سپيرتپەن زالالسىزداندىرعان دۇرىس.

كەيىنگى تاۋلىكتە بەيجىڭدە 3 ادام ۆيرۋس جۇقتىردى. ولاردىڭ اراسىندا وميكرون جانە دەلتا شتامىن جۇقتىرعاندار بار. بۇل ناۋقاستاردىڭ جۇمىس ورىنى مەن تۇرعىلىقتى جەرى كارانتينگە جابىلدى. كەي وڭىردە وقۋشىلار قاشىقتان وقۋعا كوشتى. قازىر شاھاردىڭ 22 ميلليون حالقى تولىق ەكپە سالدىرعان. ءتىپتى 13 ميلليون بۋستەرلىك دوزا العان. مۇندا وليمپيادا ويىندارىنىڭ باستالۋىنا 3 اپتا قالعانىمەن بيلەتتەر ساتىلمايدى. وزگە ەلدەن كەلگەن ازاماتتارعا سانيتارلىق تالاپ قاتاڭداتىلعان.

سيۋي حەتسزيان، بەيجىڭ قالاسى اقپارات دەپارتامەنتىنىڭ باسشىسى:

- قاڭتاردىڭ 22-سىنەن باستاپ بەيجىڭگە كەلگەندەر 72 ساعاتتىڭ ىشىندە پ ت ر- تەست تاپسىرۋلارى ءتيىس. ال ۋاقىتىندا تاپسىرماعاندار ءۇشىن قالا ىشىندە قاتىناۋ مۇمكىندىگى قيىندايدى.https://24.kz/
سوڭعى جاڭالىقتار