كەز كەلگەن باعدارلاما ءبىرىنشى كەزەكتە حالىقتىڭ تابىسىن ارتتىرۋعا باعىتتالۋى ءتيىس - ءاليحان سمايىلوۆ

None
None
نۇر- سۇلتان. قازاقپارات - جاپپاي تارتىپسىزدىكتەر سالدارىن جويۋ باعىتىندا رەسپۋبليكالىق جانە جەرگىلىكتى بيۋدجەتتەردەن شىعىندى وتەۋ ءۇشىن ءتيىستى قاراجات بولىنەدى.

بۇل تۋرالى ۇكىمەت وتىرىسىندا پرەمەر- مينيستر ءاليحان سمايىلوۆ ءمالىم ەتتى، دەپ حابارلايدى قازاقپارات ءتىلشىسى.

«اتامەكەن» پالاتاسى مارودەرلىكتەن زارداپ شەككەن بيزنەس سۋبەكتىلەرىنىڭ ءتىزىلىمىن جاسادى. جاپپاي تارتىپسىزدىكتەر سالدارىن جويۋ جونىندەگى ۇكىمەتتىك جانە وڭىرلىك كوميسسيالار جۇمىسىن اياقتاعاننان كەيىن رەسپۋبليكالىق جانە جەرگىلىكتى بيۋدجەتتەردەن شىعىندى وتەۋ ءۇشىن ءتيىستى قاراجات بولىنەدى. سونىمەن قاتار بيزنەسكە تۇسكەن اۋىرتپالىقتى ازايتۋ ءۇشىن 2022 -جىلعى 1 -اقپانعا دەيىن مەملەكەتتىك كىرىس ورگاندارىنىڭ سالىقتىق جانە كەدەندىك تەكسەرۋلەرى مەن كامەرالدىق باقىلاۋ حابارلامالارىن بەرۋ ۋاقىتشا توقتاتىلادى»، - دەدى ءا. سمايىلوۆ.

ونىڭ ايتۋىنشا، «اتامەكەن» پالاتاسىمەن بىرگە حالىقتىڭ تابىسىن ارتتىرۋ باعدارلاماسىن ازىرلەپ، قابىلداۋ جوسپارلانىپ وتىر.

«ءبىز ءۇشىن ەڭ باستى ماقسات - حالىقتىڭ تابىسىن ارتتىرۋ. كەز كەلگەن جوسپار، كەز كەلگەن باعدارلاما ءبىرىنشى كەزەكتە، حالىقتىڭ تابىسىن ارتتىرۋعا باعىتتالۋى ءتيىس. باسقارۋدىڭ بارلىق دەڭگەيىندە جۇمىستىڭ تيىمدىلىگى ءدال وسى كورسەتكىش بويىنشا باعالاناتىن بولادى»، - دەدى ۇكىمەت باسشىسى.

ونىڭ سوزىنە قاراعاندا، جاستار اراسىنداعى جۇمىسسىزدىق دەڭگەيىن تومەندەتۋ ءۇشىن «جاستار پراكتيكاسى» جانە «العاشقى جۇمىس ورنى» جوبالارى اياسىندا جالاقى مولشەرى مەن جوبالارعا قاتىسۋ مەرزىمى ۇلعايادى. «قازاقستان حالقىنا» قوعامدىق الەۋمەتتىك قورى مۇقتاج بالالارعا زاماناۋي جانە قىمبات تۇراتىن مەديتسينالىق قىزمەتتەر مەن ءدارى- دارمەكتەردى الۋىنا مۇمكىندىك بەرەدى.

«جالپى بۇل جوسپاردىڭ ىسكە اسىرىلۋى قاڭتار وقيعالارىنان كەيىن ەلدەگى الەۋمەتتىك- ەكونوميكالىق جاعدايدى جەدەل قالىپقا كەلتىرۋدى قامتاماسىز ەتەدى. مەملەكەتتىك ورگانداردىڭ ءبىرىنشى باسشىلارى مەن اكىمدەرگە اتالعان جوسپارداعى ءىس- شارالاردىڭ ورىندالۋىن جەكە باقىلاۋعا الۋدى تاپسىرامىن»، - دەدى پرەمەر- مينيستر.

بۇدان بۇرىن حابارلانعانداي، بۇگىن ۇكىمەت وتىرىسىندا ۇلتتىق ەكونوميكا ءمينيسترى الىبەك قۋانتىروۆ «قازاقستان رەسپۋبليكاسىنداعى الەۋمەتتىك- ەكونوميكالىق جاعدايدى تۇراقتاندىرۋ جونىندەگى جەدەل ءىس- قيمىلدار جوسپارىن بەكىتۋ تۋرالى» ق ر ۇكىمەتى قاۋلىسىنىڭ جوباسىن تانىستىرىلدى. تالقىلاۋدان كەيىن قۇجات جوباسى بەكىتىلدى.

سوڭعى جاڭالىقتار