USD 434.34 EUR 491.93
RUB 5.56 CNY 68.67
جاڭالىقتار

قىتاي ا ق ش- تى وليمپياداعا بويكوت جاريالاعانى ءۇشىن ايىپتادى

7 جەلتوقسان 21:42
:ءبولىسۋ

نۇر-سۇلتان. قازاقپارات - قىتاي 2022-جىلى بەيجىڭدە وتەتىن قىسقى وليمپيادا ويىندارىنا ا ق ش- تىڭ جوسپارلانعان ديپلوماتيالىق بويكوتىن ايىپتاپ، وعان جاۋاپ قايتاراتىنىن مالىمدەدى.

قىتاي سىرتقى ىستەر مينيسترلىگىنىڭ باسپا ءسوز حاتشىسى جاو ليتسزيان قىتاي «قاتاڭ قارسى شارالار» قابىلدايتىنىن ايتتى.

دۇيسەنبىدە ا ق ش قىتايداعى ادام قۇقىقتارىنا قاتىستى الاڭداۋشىلىققا بايلانىستى بەيجىڭگە ديپلوماتتارىن جىبەرمەيتىنىن مالىمدەگەن.

جاو ا ق ش سپورتشىلارى ويىندارعا بارا الاتىنىن جانە ولارعا تولىقتاي مەملەكەتتىك قولداۋ كورسەتىلەتىنىن ايتتى.

سەيسەنبى كۇنى ب ا ق بريفينگىندە جاو ا ق ش- تى «سپورتتاعى ساياسي بەيتاراپتىقتى» بۇزدى دەپ ايىپتاپ، ۇسىنىلعان بويكوت «وتىرىك پەن قاۋەسەتتەرگە نەگىزدەلگەن» دەدى.

بۇل جاعداي ەكى ەل اراسىندا شيەلەنىس كۇشەيگەنىنىڭ تاعى كورىنىسى. ا ق ش قىتايدى شىڭجاڭداعى قازاق، ۇيعىر سياقتى ازشىلىقتى قۋعىن-سۇرگىنگە ۇشىراتىپ، گەنوتسيد جاسادى دەپ ايىپتايدى. ال قىتاي بۇل ايىپتاۋدى ءۇزىلدى-كەسىلدى جوققا شىعارىپ ءجۇر.

وليمپيادا ويىندارىنا ادەتتە ا ق ش پەن باسقا ەلدەردىڭ جوعارى دەڭگەيدەگى ۇكىمەت وكىلدەرى قاتىسادى. وسى جىلدىڭ باسىندا ا ق ش ءبىرىنشى حانىمى دجيل بايدەن توكيودا وتكەن جازعى وليمپيادادا ا ق ش دەلەگاتسياسىن باسقارعان.

ءبىراق دۇيسەنبىدە اق ءۇيدىڭ باسپا ءسوز حاتشىسى دجەن پساكي ا ق ش بەيجىڭدە وتەتىن وليمپيادادا ولاي ىستەمەيتىنىن ايتتى. ول 2022-جىلعى ويىندارعا رەسمي دەلەگاتسيانى جىبەرمەۋ ارقىلى بەيجىڭگە «ناقتى مەسسەدجدى» ۇعىندىرۋعا تىرىسادى.

بۇعان دەيىن ۆاشينگتون بەيجىڭ وليميپياداسىنا بويكوت جاريالاعانى حابارلاندى.

ال ونىڭ الدىندا ا ق ش پرەزيدەنتى دجو بايدەن الدىڭعى ايدا قىتايدا وتەتىن سپورت ويىندارىنا بويكوت جاريالاۋ جوسپارى بار ەكەنىن مالىمدەگەن.

qamshy.kz



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات