الماتىدا تاعى ءبىر ايەل كوپقاباتتى ءۇيدىڭ تەرەزەسىنەن سەكىرىپ كەتتى

قايعىلى وقيعا جەتىسۋ ىقشام اۋدانىندا بولدى، دەپ حابارلايدى قازاقپارات ءتىلشىسى.

الماتى قالاسى پوليتسيا دەپارتامەنتىندە مالىمدەگەندەي، 1995-جىلى تۋعان ت. ەسىمدى ايەل تۇرعىن ءۇيدىڭ بەسىنشى قاباتىنان سەكىرگەن.

ايەل ءتىرى، قازىر ول اۋرۋحاناعا جاتقىزىلدى. وقيعانىڭ ءمان-جايىن انىقتاۋ بارىسىندا ايەلدىڭ ۋلانۋ ءۇشىن ءدارى-دارمەكتەر ىشكەنى انىقتالدى. ونىڭ بۇل جاعدايعا بارۋ سەبەبى ەرلى-زايىپتىلار اراسىنداعى اجىراسۋ پروتسەسى بولۋى مۇمكىن.

«وقيعانىڭ تولىق دەرەكتەرى انىقتالۋدا. اتالعان فاكتى ق ر ق ك- نىڭ 105-بابى بويىنشا سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىندە تىركەلدى»، - دەدى پوليتسيا دەپارتامەنتى.

ال قوعامدىق دەنساۋلىق ساقتاۋ باسقارماسىندا ايەلدىڭ جاعدايى تۇراقتى اۋىر ەكەنىن مالىمدەدى.

ايتا كەتەيىك، مۇنداي جاعداي الماتىدا ءبىرىنشى رەت بولىپ تۇرعان جوق. وسىعان دەيىن ءبىز الماتىدا جاس قىزدىڭ كوپقاباتتى تۇرعىن ۇيدەن سەكىرىپ كەتكەنى تۋرالى جازعامىز.

«جەتىسۋ» ىقشام اۋدانىندا كوپقاباتتى ۇيلەردىڭ بىرىندە ايەل الدىمەن ءۇش بالاسىن لاقتىرىپ، كەيىن ءوزى 9-قاباتتان سەكىرىپ كەتكەنىن جازعان بولاتىنبىز.