الماتىدا جولدىڭ بويىندا جىلۋ تراسساسى جارىلدى

None
None
الماتى. قازاقپارات- الماتىدا رىسقۇلوۆ پەن جانسۇگىروۆ كوشەلەرىنىڭ قيىلىسىندا ىستىق سۋ قۇبىرى جارىلدى، دەپ حابارلايدى قازاقپارات ءتىلشىسى.

ونىڭ ۆيدەوسى الەۋمەتتىك جەلىدە تارادى.

«الدىن الا مالىمەت بويىنشا، بۇگىن تاڭەرتەڭ ت. رىسقۇلوۆ داڭعىلى مەن ءى. جانسۇگىروۆ كوشەسىنىڭ قيىلىسىنا جاقىن جەردەگى ۋچاسكەدە جىلۋ ماگيسترالى جارىلدى. اپات بولعان جەردە «الماتى جىلۋ جەلىلەرى» ج ش س جەدەل توبى جۇمىس ىستەپ جاتىر»، - دەپ حابارلادى كومپانيادان.

تۇتىنۋشىلاردى ىستىق سۋمەن قامتاماسىز ەتۋ جەدەل قالپىنا كەلتىرىلدى. زارداپ شەككەندەر جوق. الماتى قالالىق پوليتسيا دەپارتامەنتى جۇرگىزۋشىلەرگە اپات بولعان كوشەنى اينالىپ وتۋگە كەڭەس بەردى.

«جىلۋ تراسساسىنىڭ جارىلۋىنا بايلانىستى، ت. رىسقۇلوۆ داڭعىلى بويىمەن باتىس باعىتتا ءى. جانسۇگىروۆ كوشەسىنەن روزوۆايا كوشەسىنە دەيىن كولىك قوزعالىسى جابىلدى. شەكتەۋ جول قالپىنا كەلگەنشە كۇشىندە بولادى. قوزعالىسقا قاتىسۋشىلاردى الدىن الا باعدارىن تۇزەتىپ، جول قوزعالىسى ەرەجەلەرىن قاتاڭ ساقتاۋعا شاقىرامىز»، - دەپ حابارلادى پوليتسيادان.


اۆتور: دۋمان ارعىنگەلدى


سوڭعى جاڭالىقتار