قازاقستان د س ۇ- دا قىزمەت كورسەتۋ سالاسىن ىشكى رەتتەۋ كەلىسسوزىنىڭ اياقتالۋىن قولدادى
بۇل وقيعا - ۇيىم ءۇشىن تاريحي ماڭىزدى، سەبەبى جاڭا قاعيدالاردىڭ قابىلدانۋى د س ۇ- نىڭ سوڭعى 20 جىلداعى قىزمەت كورسەتۋ سالاسىنداعى ماڭىزدى جەتىستىگىن بىلدىرەدى. د س ۇ باس ديرەكتورى نگوزي وكوندجو- يۆەالا ءوزىنىڭ كىرىسپە سوزىندە د س ۇ كەلىسسوزدەرىنە قاتىسۋشى ەلدەرگە الەمدىك ساۋدانىڭ سەرپىندى جانە تەز دامىپ كەلە جاتقان سەگمەنتىنىڭ مۇددەلەرىنە جاۋاپ بەرەتىن قىزمەت كورسەتۋ سالاسىنداعى ناتيجەگە قول جەتكىزگەنى ءۇشىن العىس ايتتى.
د س ۇ مەن ە ى د ۇ زەرتتەۋلەرىنە سايكەس، وسى قاعيدالاردى ىسكە اسىرۋ قىزمەت كورسەتەتىن كومپانيالارعا جىل سايىن 150 ميلليارد ا ق ش دوللار كولەمىندە پايدا اكەلەدى. قازاقستاننىڭ تۇراقتى وكىلى جانار ايتجانوۆا ءوز سوزىندە قازاقستاننىڭ ءجىو قىزمەت كورسەتۋ سەكتورىنىڭ ۇلەسى %56 قۇرايتىنىن، سوندىقتان بۇل سەكتور ءارتاراپتاندىرۋ جانە ەكونوميكانى پاندەميادان كەيىنگى قالپىنا كەلتىرۋ ءۇشىن ماڭىزدى ەكەنىن اتاپ ءوتتى.
ق ر تۇراقتى وكىلى ج. ايتجانوۆا سونداي- اق د س ۇ- نىڭ وسى قاعيدالارى ايەلدەردىڭ قىزمەت كورسەتۋ سالاسىنداعى ەكونوميكالىق قۇقىقتارى مەن مۇمكىندىكتەرىن كەڭەيتۋ ءۇشىن جاڭا مۇمكىندىكتەردى قامتاماسىز ەتەتىنىن اتاپ ءوتتى. وسىعان بايلانىستى وتىرىسقا قاتىسۋشىلاردى قازاقستان رەسپۋبليكاسىنىڭ پرەزيدەنتى قاسىم- جومارت توقايەۆتىڭ باستاماسىمەن جۇرگىزىلىپ جاتقان ايەلدەرگە الەۋمەتتىك جانە ەكونوميكالىق قولداۋدى نىعايتۋ جونىندەگى رەفورمالارى تۋرالى حاباردار ەتتى. وسى رەفورمالاردى ىسكە اسىرۋ اياسىندا قازاقستاننىڭ حالىقارالىق مىندەتتەمەلەرىنە سايكەس ايەلدەر ءۇشىن تىيىم سالىنعان كاسىپتەر تىزبەسىن الىپ تاستاۋ كوزدەلەدى.
د س ۇ- نىڭ جاڭا قاعيدالارى قازاقستاننىڭ د س ۇ- عا كىرۋ كەزىندە قابىلداعان مىندەتتەمەلەرىنە سايكەس كەلەتىنىن، ولار ليتسەنزيالاۋدىڭ ترانسپارەنتتىلىگىن قامتاماسىز ەتۋگە، رۇقسات بەرۋ راسىمدەرى مەن قىزمەت كورسەتۋ سالاسىنداعى تالاپتاردى جەڭىلدەتۋگە باعىتتالعانىن اتاپ وتكەن ءجون.
ق ر د س ۇ- عا كىرگەن ساتتەن باستاپ قازاقستان ەكونوميكاسىنا تىكەلەي شەتەلدىك ينۆەستيتسيالاردىڭ جالپى كولەمىنىڭ %30 ى قىزمەتتەردىڭ نەگىزگى سەكتورلارىن دامىتۋعا باعىتتالعان. قىزمەتتەر كورسەتۋدىڭ قوسىلعان قۇنىنىڭ الەمدىك ج ءى و- گە قوسقان ۇلەسى 60%- دى قۇرايدى جانە قىزمەت كورسەتۋ سالاسى بۇكىل الەمدە جۇمىسپەن قامتۋدىڭ %50 دان استامىن قامتاماسىز ەتەدى. 2018 -جىلدان باستاپ قازاقستان د س ۇ- نىڭ قىزمەتتەر نارىعىنا قول جەتكىزۋ بويىنشا جاھاندىق كەلىسسوزدەرىن باسقارادى.