جەكە كۋالىكتى جوعالتقان جاعدايدا نە ىستەۋ كەرەك

None
None
نۇر- سۇلتان. قازاقپارات - پوليسەيلەر جەكە كۋالىكتى جوعالتقان جاعدايدا ورنىنا جەدەل جاڭا قۇجات الۋ جولدارىن ءتۇسىندىردى، دەپ حابارلايدى قازاقپارات.

جەكە زاتتاردى جوعالتۋ جاعدايلارى ءجيى كەزدەسەدى. مۇنداي كەلەڭسىز جاعدايلارعا كەز كەلگەن ادام تاپ بولۋى مۇمكىن. اسىرەسە ادامدار جەكە كۋالىكتەرىن ءجيى جوعالتىپ جاتادى. وسىعان وراي شىعىس قازاقستان وبلىستىق پوليتسيا دەپارتامەنتى جەكە كۋالىكتى جوعالتقان جاعدايدا نە ىستەۋ كەرەكتىگىن ءتۇسىندىردى .

قازاقستان رەسپۋبليكاسىنىڭ حالقىن قۇجاتتاندىرۋ ماسەلەسى بويىنشا مەملەكەتتىك قىزمەت كورسەتۋ قاعيدالارىنا سايكەس، قازاقستان ازاماتتارى جەكە باسىن كۋالاندىراتىن قۇجاتتارىن جوعالتقان جاعدايدا جاڭا قۇجات الۋ ءۇشىن تۇراقتى تىركەلگەن جەرىنە نەمەسە «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ حالىققا قىزمەت كورسەتۋ ورتالىعىنا تۇرعىلىقتى مەكەنجايى بويىنشا جۇگىنەدى. قازاقستان ازاماتىنىڭ جەكە كۋالىگىن قالپىنا كەلتىرۋ ءۇشىن:

- جوعالعان جاعدايدا جوعالتۋ ءمان- جايىن كورسەتە وتىرىپ، جەكە باسىن كۋالاندىرۋدى قالپىنا كەلتىرۋ تۋرالى جازباشا ءوتىنىش. ۇرلانعان جاعدايدا قۇجاتتى ۇرلاۋ نەمەسە ۇرلاۋ تۋرالى ءوتىنىشتى قابىلداعان قىلمىستىق تەرگەۋ ورگانىنان (اۋداندىق پوليتسيا باسقارماسى) تالون- حابارلاما قاجەت؛

- مەملەكەتتىك باجدى تولەۋ تۋرالى قۇجات (مەملەكەتتىك باجدى تولەۋدەن بوساتىلعان تۇلعالار راستايتىن قۇجاتتى ۇسىنادى)؛

- قازاقستان رەسپۋبليكاسىنىڭ پاسپورتى (بولعان جاعدايدا) . جەكە كۋالىكتى بەرۋ مەرزىمى - 15 جۇمىس كۇنى. ازاماتتىڭ قالاۋى بويىنشا قىزمەت جەدەلدەتىلگەن مەرزىمدە 3-تەن 7 جۇمىس كۇنىنە دەيىن كورسەتىلۋى مۇمكىن.

سوڭعى جاڭالىقتار