«التىن ساپا» كونكۋرسىنىڭ جەڭىمپازدارىن ماراپاتتاۋ باستالدى

قازاقستان رەسپۋبليكاسى پرەزيدەنتىنىڭ 2006 -جىلعى 9-قازانداعى جارلىعى بويىنشا «التىن ساپا» سىيلىعى كونكۋرستىق نەگىزدە تالاپكەر كاسىپورىننىڭ ءونىمى نەمەسە قىزمەت كورسەتۋ ساپاسى مەن ولاردىڭ قاۋىپسىزدىگىن قامتاماسىز ەتۋ سالاسىنداعى جەتىستىكتەرى، سونداي- اق مەنەدجمەنت جۇيەلەرىن ەنگىزگەنى ءۇشىن بەرىلەدى. سىيلىق جىل سايىن ءتورت نوميناتسيا بويىنشا ءۇش ساناتتا تاعايىندالادى.

ولار: «وندىرىستىك ماقساتتاعى ۇزدىك كاسىپورىن»؛

«حالىق تۇتىناتىن تاۋارلاردى شىعاراتىن ۇزدىك كاسىپورىن»؛

«ازىق- تۇلىك تاۋارلارىن نەمەسە اۋىل شارۋاشىلىعى ونىمدەرىن شىعاراتىن ۇزدىك كاسىپورىن»؛

«قىزمەت كورسەتۋ سالاسىنداعى ۇزدىك كاسىپورىن».

ءار نوميناتسيا بويىنشا مىناداي ساناتتار بويىنشا ءۇش جۇلدە بەرىلەدى: شاعىن كاسىپكەرلىك سۋبەكتىسى؛

ورتا كاسىپكەرلىك سۋبەكتىسى؛

ءىرى كاسىپكەرلىك سۋبەكتىسى. «التىن ساپا» سىيلىعى بايقاۋىنا قازاقستان رەسپۋبليكاسى اۋماعىندا قارۋ- جاراق جانە اسكەري تەحنيكالارىنان باسقا تاۋار وندىرۋمەن، قىزمەت كورسەتۋمەن اينالىساتىن، مەملەكەتتىڭ قاتىسۋ ۇلەسى %50 دان اساتىن، وڭالتۋ جانە بانكروتتىق راسىمدەردى جۇزەگە اسىرۋعا جاتقىزىلعان ۇيىمداردان باسقا جەكە كاسىپكەرلەر مەن زاڭدى تۇلعالار قاتىسا الادى.

ماراپاتتاۋ راسىمىندە «ۇلى دالا ەلى»، «ىسكەر»، «ىسكەرلىك كەمەلدىك» بايقاۋلارىنىڭ ماراپاتى جانە «پارىز» سىيلىعى تابىستالادى.