ەلوردادا «اڭساعان ءسابي» باعدارلاماسى بويىنشا تۇڭعىش بالا دۇنيەگە كەلدى

قالا تۇرعىنى (ءوتىنىشى بويىنشا اتى-ءجونى كورسەتىلمەيدى) العاشقىلاردىڭ ءبىرى بولىپ «اڭساعان ءسابي» باعدارلاماسى بويىنشا ەكۇ جۇرگىزۋگە كۆوتا الدى. ول ءۇشىن تۇرعىلىقتى جەرى بويىنشا ەمحاناعا جۇگىندى.

«اڭساعان ءسابي» جاڭا باعدارلاماسى تۋرالى ەستىگەندە كۇيەۋىم ەكەۋمىز باعىمىزدى سىناپ، قاتىسۋ تۋرالى شەشىم قابىلدادىق. الدىمەن ءوز ەمحانامىزعا بارىپ، قاجەتتى قۇجاتتاردى تاپسىردىق. بالا - ءومىردىڭ ءمانى. وكىنىشكە قاراي، ۇزاق ۋاقىتتان بەرى بالا سۇيە الماي جۇردىك»، - دەيدى باقىتتى انا.

تەكسەرۋدەن كەيىن جۇرگىزىلگەن كونسەرۆاتيۆتىك تەراپيانىڭ اسەرىنىڭ جوقتىعىن ەسكەرە وتىرىپ، ەرلى-زايىپتىلار دارىگەرلىك كونسيليۋمنىڭ شەشىمى بويىنشا م ءا م س شەڭبەرىندە ەكۇ ءراسىمىن جۇرگىزۋ ءۇشىن كەزەككە قوسىلدى.

«جەلتوقسان ايىندا دەنساۋلىق ساقتاۋ باسقارماسى جۇمىس كوميسسياسىنىڭ ماقۇلداۋىن الىپ، 272№ بۇيرىقتىڭ كريتەريلەرىنە سايكەستىگىن ەسكەرىپ، م ءا م س شەڭبەرىندە ەكۇ ءوتۋ ءۇشىن كۆوتا الدى. پاتسيەنت ەكۇ جاساۋ ءۇشىن الماتى قالاسىنداعى رەپرودۋكتيۆتى مەديتسينا ينستيتۋتىن تاڭداپ، 12 اپتاعا دەيىن دەر كەزىندە ەسەپكە تۇردى، ارى قاراي اۋرۋحانامىزداعى دارىگەرلەردىڭ بارلىق ۇسىنىسىن ۇستاندى»، - دەيدى اكۋشەر-گينەكولوگ الۋا مانسۇروۆا.

بۇكىل پرەگراۆيدارلىق كەزەڭ جانە ەكۇ ءراسىمى الدىنداعى دايىندىق، جۇكتىلىكتى باقىلاۋ جانە بوسانۋدىڭ ءوزى نۇر-سۇلتان قالاسىنىڭ 2№ كوپبەيىندى اۋرۋحاناسىنىڭ قابىرعاسىندا ءوتتى.

ءسابيدىڭ اناسى «اڭساعان ءسابي» باعدارلاماسى اتا-انا باقىتىن سىيلاعانىن ايرىقشا اتاپ ءوتتى.

«بۇل باعدارلاما بالالى بولعىسى كەلەتىن ەرلى-زايىپتىلار ءۇشىن ۇلكەن مۇمكىندىك. بۇرىن ءبىز اقىلى نەگىزدە ەكۇ جاسادىق، ءبىراق ءبارى ءساتسىز اياقتالعان. بۇل جولى دا ءۇمىتىمىز ورىندالمايدى دەپ قاتتى الاڭداپ ەدىك، باقىتىمىزعا قاراي اتا-انا اتانىپ وتىرمىز. ءبىزدى جۇكتىلىككە دەيىن جانە جۇكتىلىك كەزىندە باسى-قاسىمىزدا بولعان دارىگەرلەرگە العىسىم شەكسىز. اۋرۋحانانىڭ بارلىق مەدقىزمەتكەرىنە راقمەت ايتقىم كەلەدى. ءبىز باقىتتىمىز!» - دەپ قۋانىشىن ءبولىستى.

پرەزيدەنتتىڭ قازاقستان حالقىنا جولداۋىن ىسكە اسىرۋ اياسىندا «اڭساعان ءسابي» باعدارلاماسى بويىنشا 2021-جىلى نۇر-سۇلتان قالاسىنا 487 كۆوتا ءبولىندى. بۇل وتكەن جىلمەن سالىستىرعاندا 7 ەسە كوپ. ۇزاق ۋاقىت نەكەدە تۇرعان كوپتەگەن ەلوردالىق م ءا م س اياسىندا ەكۇ باعدارلاماسىنان ءوتۋ مۇمكىندىگىنە يە بولدى.