الماتى وبلىسىندا تۇيە ءسۇتىن وڭدەيتىن زاۋىت ىسكە قوسىلدى - فوتو

نىسان ىلە اۋدانىنىڭ اقشي اۋىلىندا اشىلدى. سالتاناتتى شاراعا ىلە اۋدانىنىڭ اكىمى باعدات قاراسايەۆ، الماتى وبلىستىق اۋىلشارۋاشىلىق باسقارماسى باسشىسىنىڭ مىندەتىن اتقارۋشى قويۋمشان وماروۆ قاتىستى.

تاۋارلى- ءسۇت فەرماسى تۇيە ءسۇتىن قازىرگى زامان تالابىنا ساي وڭدەپ، قازاقستان اۋماعىندا عانا ەمەس، وزگە مەملەكەتتەرگە ەكسپورتقا شىعارۋدا. جاڭا زاۋىتتىڭ جوبا قۇنى - 1 ميلليارد تەڭگە. اۋىلدا 25 جاڭا جۇمىس ورنى اشىلادى. زاۋىت ايىنا 30 توننا ۇنتاق ءسۇت دايىنداۋعا قاۋقارلى»، دەلىنگەن ىلە اۋدانى اكىمىنىڭ باسپا ءسوز قىزمەتىنىڭ مالىمەتىندە.

سونداي-اق زاۋىت ءوزىنىڭ تولىق سيكلدى قامتۋىمەن ەرەكشەلەنەدى. ياعني تۇيە ءسۇتى ءبىر جەردە ساۋىلىپ، وڭدەلىپ نارىققا جانە ەكسپورتقا شىعارىلادى. بۇگىندە فەرمادا 5 مىڭنان استام قوس وركەشتى تۇيە جانە ارۋانا ء(بىر وركەشتى) بار، كەلەشەكتە ونىڭ سانىن 15 مىڭعا جەتكىزۋ جوسپارلانعان. ايتا كەتەيىك، اتالعان زاۋىتتا كۇنىنە ورتاشا ەسەپپەن 5-7 مىڭ ليتر شۇبات ازىرلەنەدى.

اۆتور: سامال قابىشەۆا