سولتۇستىك كورەيادا تەمپەراتۋرا ۇزدىكسىز جوعارىلاپ بارادى

سونىمەن قاتار سوڭعى ءۇش ون جىلدىقتا سۋىق كەزەڭدەر قىسقارىپ جاتىر.

بۇل تۋرالى YONHAP اگەنتتىگى ءمالىم ەتتى، دەپ حابارلايدى قازاقپارات.

كورەيانىڭ مەتەورولوگيالىق باسقارماسىنىڭ (KMA) دەرەكتەرىنە ساي، سولتۇستىك كورەيادا جىلدىق ورتاشا تەمپەراتۋرا سەلسي بويىنشا 0,4 گرادۋسقا كوتەرىلگەن. 1991-2000 -جىلدارى 1981-2010 -جىلدارعا قاراعاندا اۋا تەمپەراتۋراسى 8,9 گرادۋسقا جوعارىلاعان. اگەنتتىك دۇنيەجۇزىلىك مەتەورولوگيالىق ۇيىم دەرەكتەرىنىڭ عالامدىق جەلىلەرى ارقىلى سولتۇستىك كورەياداعى 27 باقىلاۋ نۇكتەسىنەن جيناعان تەمپەراتۋرا مەن جاۋىن-شاشىن تۋرالى دەرەكتەردى پايدالاندى.

دەرەكتەرگە سايكەس، جىلدىق ورتاشا تەمپەراتۋرا ەلدىڭ سولتۇستىك بولىگىندە، اتاپ ايتقاندا وڭتۇستىك حامگەن پروۆينسياسىنداعى حامحۋنگ جانە وڭتۇستىك حۆانحە پروۆينسياسىنداعى حەدجۋ قالالارىندا °C0,5 تان °C 10,8 جانە °C11,9 قا دەيىن جوعارىلاپ، ۇلكەن ايىرماشىلىق كورسەتكەن. كليماتتىڭ وسىلاي وزگەرۋىنەن سولتۇستىك كورەيا ورتاشا العاندا جىلىنا ءتورت كۇن اپتاپ ىستىقتى تىركەپ وتىرعان. ول °C33 جانە ودان جوعارى تەمپەراتۋرانى بەلگىلەيدى. 30 جىل بۇرىن بۇل كورسەتكىش ءبىر-ەكى كۇن عانا بولعان. تروپيكالىق تۇندەر جيىلىگى ارتتى.

ول °C25 جانە ودان جوعارى ەڭ تومەن تۇنگى تەمپەراتۋرامەن بەلگىلەنەدى. بۇل كورسەتكىش 0,5 كۇننەن 1,1 گە دەيىن ءوستى. سولتۇستىك كورەياداعى جاۋىن- شاشىن مولشەرى 1991-2020 -جىلدار ارالىعىندا 7,7 ميلليمەترگە ازايدى.

اۆتور: ءبيبىحان سەرىكوۆا