قاڭعىباس جانۋارلاردىڭ سانىن ازايتۋدىڭ جاڭا ءتاسىلى ايتىلدى

None
None
نۇر-سۇلتان. قازاقپارات - 2023 -جىلدان باستاپ ەلىمىزدە ءۇي جانۋارىن ەسەپكە قويۋ مىندەتى ەنگىزىلمەك.

بۇل تۋرالى ق ر ەكولوگيا، گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتى ءتوراعاسىنىڭ ورىنباسارى دانيار تۇرعامبايەۆ ءمالىم ەتتى، دەپ حابارلايدى قازاقپارات ءتىلشىسى.

«بۇگىندە ەلىمىزدىڭ جانۋارلاردى قورعاۋ تۋرالى زاڭ جوباسى ت م د-نىڭ «جانۋارلارعا جاۋاپكەرشىلىكپەن قاراۋ» تۋرالى مودەلى نەگىزىندە ازىرلەنىپ جاتىر. سونداي-اق، حالىقارالىق پراكتيكا دا نازارعا الىندى. وسى تۇستا ەرەكشە ايتىپ وتەتىن جايتتاردىڭ ءبىرى 2023 -جىلدىڭ 1-قىركۇيەگىنەن باستاپ ءۇي جانۋارلارىن مىندەتتى ەسەپكە قويۋ ەنگىزىلەدى. ول پروتسەسس ءۇي جانۋارى يەسىنىڭ ەسەبىنەن جۇرگىزىلەدى. ال الەۋمەتتىك وسال توپقا جاتاتىن تۇرعىنداردىڭ ءۇي جانۋارلارىن بيۋدجەت ەسەبىنەن تىركەۋگە الۋ ۇسىنىلىپ وتىر. وسى جۇمىستى جۇيەلەۋ ماقساتىندا ۆەتەرينارلىق قىزمەت پەن جەرگىلىكتى اتقارۋشى ورگاندارعا ەسەپكە الىنعان جانۋارلار تۋرالى اقپارات بەرۋ ۋاقىتى بەلگىلەندى»، - دەدى دانيار تۇرعامبايەۆ.

سونداي-اق كوميتەت باسشىسىنىڭ ورىنباسارى قاڭعىباس ءۇي جانۋارلار ماسەلەسىن كوتەردى.

«قوعامدا بۇل ماسەلەنى شەشۋدىڭ ءبىر جولى، يەسىز ءۇي جانۋارلارىن اۋلاپ، ءولتىرۋ كەرەك دەگەن قاتە وي بار. وسى ورايدا جاڭا زاڭ جوباسىنىڭ يدەولوگياسى ولارعا ادامگەرشىلىكپەن قاراۋدى كوزدەيدى. ياعني قاڭعىباس جانۋارلاردىڭ سانىن ستەريلدەۋ (مەديتسينالىق زالاسىزداندىرۋ) ارقىلى ازايتۋ ۇسىنىلىپ وتىر. ارينە، اتالعان جۇمىس بيۋدجەتتەن قارجى تالاپ ەتەدى. ءبىراق ءبىزدىڭ ويىمىزشا بۇل وڭ شەشىم جانە بۇل ءادىستى جانۋار جاناشىرلارى دا قولداپ وتىر. جالپى قاڭعىباس يتتەر مەن مىسىقتاردىڭ ماسەلەسى ءبىر ساتتە شەشىلەدى دەپ ايتا المايمىز. ۋاقىت وتە كەلە ءبىز ۇسىنعان وسى ءادىستىڭ تيىمدىلىگى ءوز ناتيجەسىن دەپ ويلايمىن»، - دەيدى ول.

ەسكە سالساق، بۇعان دەيىن حابارلاعانىمىزداي ءۇي جانۋارلارىن مىندەتتى ەسەپكە الۋ 2023 -جىلعى 1-قىركۇيەكتەن باستاپ ەنگىزىلەدى.

اۆتور: ءالي يبرايەۆ

سوڭعى جاڭالىقتار