USD 434.84 EUR 498.2
RUB 5.72 CNY 68.47
جاڭالىقتار

كوروناۆيرۋستىڭ اسا قاۋىپتى دەلىنگەن جاڭا شتامىنا «وميكرون» دەگەن اتاۋ بەرىلدى

27 قاراشا 10:56
:ءبولىسۋ
كوروناۆيرۋستىڭ اسا قاۋىپتى دەلىنگەن جاڭا شتامىنا «وميكرون» دەگەن اتاۋ بەرىلدى

نۇر-سۇلتان. قازاقپارات - عالىمدار «ءبىز كورگەن اۋرۋدىڭ ەڭ جامانى» دەپ اتاعان كوروناۆيرۋستىڭ جاڭا شتامىنىڭ تارالۋى تۋرالى حابارلامادان كەيىن كوپتەگەن شەكارالار جابىلىپ، رەيستەر توقتاتىلدى جانە بۇكىل الەمدە نارىق قۇلادى، دەپ حابارلايدى قازاقپارات bbc -گە سىلتەمە جاساپ.

د د ۇ شۇعىل وتىرىسىندا «قاۋىپ تۋدىراتىن» جاڭا نۇسقانى رەسمي تۇردە جىكتەپ، وعان «وميكرون» دەگەن اتاۋ بەردى. جەرگىلىكتى ب ا ق- تىڭ حابارلاۋىنشا، ۆيرۋس يزرايل مەن ەۋروپاعا جەتكەن.

رەسەي بيلىگى جاڭا نۇسقانىڭ تارالۋىنا بايلانىستى جۇما كۇنى افريكانىڭ سەگىز مەملەكەتىنىڭ، ماداگاسكار مەن گونكونگ ازاماتتارىنا ەلگە كىرۋگە تىيىم سالدى. كوۆيدتىڭ تارالۋىنا قارسى كۇرەس بويىنشا جەدەل شتابتىڭ حابارلاماسىندا شەكتەۋ 28-قاراشا كۇنى ساعات 00:00-دەن باستاپ ەنگىزىلەدى.

شەكتەۋ قويىلعان مەملەكەتتەر تىزىمىندە و ا ر، بوتسۆان، لەسوتو، ناميبيا، زيمبابۆە، موزامبيك، ەسۆاتيني جانە تانزانيا بار.

ەسكە سالساق، وڭتۇستىك افريكا رەسپۋبليكاسىندا كوروناۆيرۋستىڭ 1.1.529 اتاۋى بار جاڭا مۋتاتسياسى انىقتالعان ەدى.

بۇل نۇسقا بۇرىنعىلارعا قاراعاندا الدەقايدا جۇقپالى جانە ۆاكسينالاردىڭ وعان اسەرى ءتيىمسىز بولۋى ابدەن مۇمكىن ەكەندىگى ايتىلدى.


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات