ماشينا جاساۋ سالاسىندا ەڭ كوپ جالاقىنى كىمدەر الادى

كومپيۋتەر، ەلەكتروندىق جانە وپتيكالىق جابدىق وندىرىسىمەن 530 ادام اينالىسادى - بۇل ءبىر جىل بۇرىنعى كورسەتكىشتەن %6 عا كوپ، دەپ حابارلايدى قازاقپارات energyprom.kz سايتىنا سىلتەمە جاساپ.

ماشينا جاساۋ سالاسىنداعى ەڭ كوپ اتاۋلى جالاقىنى كولىك قۇرالدارىن وندىرەتىن جۇمىسشىلار الادى: 293,9 مىڭ تەڭگە - ءبىر جىل بۇرىنعى كورسەتكىشتەن %24,5 عا كوپ. كومپيۋتەر، ەلەكتروندىق جانە وپتيكالىق جابدىقتار وندىرىسىندەگى جۇمىسشىلار 274,4 مىڭ تەڭگە، ەلەكتر جابدىقتارى - 229,1 مىڭ تەڭگە، اۆتوموبيلدەر، تىركەمەلەر جانە جارتىلاي تىركەمەلەر - 249,7 مىڭ تەڭگە الادى.

ساراپشىلار قۇراستىرعان ق ر جاڭا كاسىپتەر اتلاسىنا سايكەس، 2020 -جىلى ماشينا جاساۋ سالاسىندا 3D- باسپا ماتەريالتانۋشى سياقتى جاڭا ماماندىق پايدا بولۋى ءتيىس ەدى. الايدا، HeadHunter.kz سياقتى پورتالداردا ونداي ماماندىق كەزدەسكەن جوق. 2025 -جىلعا قاراي سەكتوردا تەوريالىق تۇرعىدان BIG DATA (ونەركاسىپتىك) تالداۋشىلارى، كيبەرقاۋىپسىزدىك ماماندارى (ونەركاسىپتىك) ، كەرى جوبالاۋ ينجەنەر- كونسترۋكتورلارى (ريەۆەرس- ينجەنەرلەر)، بولجامدى دياگنوستيكا ماماندارى پايدا بولۋى ءتيىس. 2030 -جىلعا قاراي ونەركاسىپتىك روبوتوتەحنيكا ينجەنەر- كونسترۋكتورلارى مەن ۆيرتۋالدى پروتوتيپتەۋ ماماندارى پايدا بولادى دەپ كۇتىلۋدە.

2030-2035 -جىلدارى راديوفوتونيكالىق قۇرىلعىلاردى جوبالاۋشى ينجەنەرلەر مەن نانوفوتونيكا جانە مەتاماتەريال ماماندارى اشىلادى دەپ بولجانۋدا.

ساراپشىلاردىڭ پىكىرىنشە، تاعى 13 ماماندىق وزگەرۋى ءتيىس. 2025 -جىلى سلەسارلار مەن جوندەۋشىلەردىڭ ورنىنا مودۋلدىك جوندەۋ وپەراتورلارى، ساپانى باقىلاۋ تەحنيكتەرىنىڭ ورنىنا - 2.0 ساپانى باقىلاۋ تەحنيكاسى، دانەكەرلەۋشىلەردىڭ ورنىنا - دانەكەرلەۋ جابدىقتارىنىڭ وپەراتورلارى الماستىرۋى ءتيىس.

سونىمەن قاتار، 2025 -جىلى اتلاس ساراپشىلارىنىڭ بولجامى بويىنشا، شوت جۇرگىزۋشى جانە ەسەپشى كومەكشىسى سياقتى ماماندىق جوعالادى.

ماشينا جاساۋدا بۋحگالتەرلەر كومەكشىلەرسىز جۇمىس ىستەۋگە ءماجبۇر بولادى.

اۆتور: اقبوپە ءابدراسۋل