نۇر-سۇلتانداعى بوكس كەشىندە جۇدىرىقتاساتىن بارلىق بوكسشىلار بەلگىلى بولدى

None
None
نۇر-سۇلتان. قازاقپارات - 18- جەلتوقسان كۇنى نۇر-سۇلتان قالاسىندا وتەتىن بوكس كەشىندە ونەر كورسەتەتىن بارلىق بوكسشىلار انىقتالدى.

جەكپە-جەك كەشىنىڭ باستى ايقاسىندا دانيار ەلەۋسىنوۆ شارشى الاڭعا شىعادى. ونىڭ قارسىلاسى مەكسيكالىق دانتە حاردون بولادى. بۇل كەزدەسۋدە جارتىلاي ورتا سالماقتا IBO بەلبەۋى ساراپقا سالىنادى، دەپ جازادى Vesti.kz ءتىلشىسى.

Данияр Елеусінов қатысатын Нұр-Сұлтандағы бокс кешінде жұдырықтасатын барлық боксшылар белгілі болды

جالپى نۇر-سۇلتان قالاسىنداعى جاقسىلىق ۇشكەمپىروۆ اتىنداعى Jekpe Jek سارايىندا وتەتىن بوكس كەشىندە 13 كەزدەسۋ بولادى. ەلەۋسىنوۆتىڭ الدىندا شارشى الاڭعا اسا اۋىر سالماقتا سىنعا تۇسەتىن وتانداسىمىز يۆان دىچكو شىعادى. ونىڭ قارسىلاسى رەسەيلىك الەكساندر ۋستينوۆ.

سونىمەن قاتار، وسى شوۋدا تۇڭعىش رەت 55,3 كەلى سالماقتا ەرجان زاليلوۆ پەن ەسكەندىر حارسان اراسىنداعى قازاقستان چەمپيونى بەلبەۋى ساراپقا سالىنادى.

داۋرەن ەلەۋسىنوۆ بولسا ءازىربايجاندىق الي مامەدوۆپەن جۇدىرىقتاسادى. ودان بولەك، جانقوش تۇراروۆ تا جانكۇيەرلەرگە ءوز ونەرىن پاش ەتەدى. ءبىراق ونىڭ قارسىلاسى ءالى بەلگىلى بولمادى.

18- جەلتوقسان كۇنى انگەلينا لۋكاس كاسىپقوي بوكستا دەبيۋتىن جاسايدى. ول ۋكراينالىق بوكسشى الەنا گۋريەۆامەن جولىعادى.

جەكپە-جەك كەشىنىڭ اندەركارتىندا 28 جاستاعى داۋلەت داۋكەنوۆ (9-2، 4 ك و) 34 جاستاعى گانالىق اناما دوتسەمەن (18-4، 17 ك و)،

32 جاستاعى ايدار شارىبايەۆ (8-1، 7 ك و) 25 جاستاعى رەسەيلىك شوحرۋح ابدييەۆپەن (9-2-1، 3 ك و)،

27 جاستاعى نيكولاي شۆاب (7-0، 3 ك و) 35 جاستاعى گانالىق ناتانيەل نۋكپەمەن (13-8-1، 13 ك و)، ال ساپارباي ايداروۆ (5-0، 2 ك و) 24 جاستاعى ۋكراينالىق ۆسيەۆولود سليپچەنوكمەن (4-2، 1 ك و) قولعاپ تۇيىستىرسە، اسحات جانتۇرسىنوۆ (5-0، 4 ك و)، ايدار ءامىرزاقوۆ (0-1) جانە اقنيەت ءالىبايدىڭ (دەبيۋت) قارسىلاستارى ەندى انىقتالادى.


سوڭعى جاڭالىقتار