كەلەسى جىلى زەينەتاقى قانداي كولەمدە وسەدى

بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنەن ءمالىم بولدى، دەپ حابارلايدى قازاقپارات.

«2022 -جىلعا ارنالعان رەسپۋبليكالىق بيۋدجەتتە مەملەكەتتىڭ الەۋمەتتىك مىندەتتەمەلەرىن ورىنداۋعا 4 تريلليون تەڭگە، ونىڭ ىشىندە زەينەتاقى مەن بارلىق الەۋمەتتىك جاردەماقىلاردىڭ مولشەرىن يندەكساتسيالاۋعا 190,4 ميلليارد تەڭگە كوزدەلىپ وتىر»، - دەلىنگەن ەڭبەك مينيسترلىگى مالىمەتىندە.

بۇل 4,2 ميلليون ادامنىڭ تابىسىن ارتتىرادى، ونىڭ ىشىندە:

- 2,3 ميلليونعا جۋىق زەينەتكەرگە ىنتىماقتى زەينەتاقى مولشەرىن 7 پايىزعا (ينفلياتسيا دەڭگەيىنەن 2 پايىزعا وزا وتىرىپ) جانە بازالىق زەينەتاقى تولەمىن 5 پايىزعا، جالپى سوماسى 138,3 ميلليارد تەڭگەگە ارتتىرۋ جۇرگىزىلەتىن بولادى؛

- 1,9 ميلليون الۋشىعا الەۋمەتتىك جاردەماقى جالپى سوماسى 52,1 ميلليارد تەڭگەگە، 5 پايىزعا ارتتىرىلادى. بۇدان تىس ەڭ تومەنگى كۇنكورىس دەڭگەيىنىڭ ءوسۋى اتاۋلى الەۋمەتتىك كومەك الاتىن 900 مىڭنان استام ادامنىڭ كىرىس دەڭگەيىنە دە وڭ اسەر ەتەدى.

بۇدان بۇرىن حابارلانعانداي، 2022 -جىلعى 1-قاڭتاردان باستاپ ەڭ تومەنگى كۇنكورىس دەڭگەيىنىڭ شاماسىن جانە ايلىق ەسەپتىك كورسەتكىشتى 5 پايىزعا يندەكساتسيالاۋ جوسپارلانىپ وتىر.

ناتيجەسىندە، ەت ك مولشەرى 36018 تەڭگەنى، ال ا ە ك - 3063 تەڭگەنى قۇرايدى.

اۆتور: رۋسلان عابباسوۆ