مينيستر كومىر باعاسى تۇراقتى بولاتىنىنا ۋادە بەردى

«جانار- جاعارماي باعاسىنىڭ وسكەنى بايقالدى، ديزەلدىك وتىن باعاسىنىڭ كۇرت ءوسۋى قوعامدىق كولىكتەرگە، اۋىلشارۋاشىلىق تاۋار وندىرۋشىلەرىنە جانە اۆتوكولىك تاسىمالىنا اسەر ەتتى. ءدال وسىنداي جاعداي كومىر نارىعىندا دا قالىپتاستى. تۇرمىستىق كومىردىڭ باعاسى 2007 -جىلدان 2014 -جىلعا دەيىن ءوستى. تاسىمالداۋ جانە ەلەكتر ەنەرگياسى تاريفتەرىنىڭ كوتەرىلۋىنە بايلانىستى 9 پايىزعا كوتەرىلدى. جانار- جاعارماي جانە كومىر باعاسىنىڭ ءوسۋى بارلىق تاۋار باعاسىنىڭ وسۋىنە اكەپ سوعادى»، - دەدى دەپۋتات ءلاززات رىسبەكوۆا سەنات وتىرىسىندا.

مينيستر اتامقۇلوۆ كومىر باعاسىنىڭ ءوسۋىن تەجەۋ ​​شارالارى جۇرگىزىلىپ جاتقانىن ايتتى.

«ءىرى كومىر وندىرۋشىلەر ساتۋشىلارمەن مەموراندۋم جاسادى. ءبىز قاراجىرا، بوگاتىر، شۇباركول كەن ورىندارىمەن ناقتى باعانى كەلىستىك. باعاسى 5200 تەڭگەدەن باستاپ، ەڭ قىمباتى - تونناسىنا 5700 تەڭگە بولادى»، - دەپ ۋادە بەردى مينيستر.

ونىڭ ايتۋىنشا، بيىلعى جىلىتۋ ماۋسىمىندا وڭىرلەردىڭ كومىرگە دەگەن سۇرانىسى 9,3 ميلليون توننانى قۇراعان.

«قازىردىڭ وزىندە وڭىرلەرگە 8,8 ميلليون كومىر جىبەرىلدى. ۆاگوندار ۋاقىتىلى جەتكىزىلدى. وڭىرلەردەگى جاعداي تۇراقتى. ايماقتاردا تاراتۋ ورتالىقتارى بار. قازىر كومىرگە سۇرانىس جوعارى بولعاندىقتان قاراشا ايىندا قوسىمشا 484 مىڭ توننا ءوندىرۋدى جوسپارلاپ وتىرمىز. ق ت ج مەن كارەرلەرگە قوسىمشا سۇرانىستار بەرىلدى. ەگەر وڭىرلەردەن سۇرانىس كوپ بولسا، ءبىز بۇل كورسەتكىشتەردى ارتتىرۋعا دايىنبىز»، - دەدى اتامقۇلوۆ.

بۇعان دەيىن قازاقستان وڭىرلەرىندەگى كومىر تاپشىلىعىنا تۇسىنىكتەمە بەرە وتىرىپ، ييدم توعىز وبلىس اكىمدىگى ءوز تۇرعىندارىن كومىرمەن قامتاماسىز ەتۋدى ۋاقتىلى باقىلاماعانىن حابارلادى. سونىڭ سالدارىنان اقمولا، الماتى، شىعىس قازاقستان، قوستاناي، قىزىلوردا، پاۆلودار جانە سولتۇستىك قازاقستان وبلىستارىندا، الماتى مەن نۇر-سۇلتاندا كومىر جەتىسپەدى.

سونداي-اق ەكونوميستەر ەلىمىزدىڭ ءارتۇرلى وڭىرلەرىندەگى قازاقستاندىق تۇتىنۋشىلار ءۇشىن بيىلعى جىلى كومىر تاپشىلىعىنىڭ ىقتيمال سەبەپتەرىنە دە توقتالدى.

Tengrinews.kz