اينالىمداعى اقشانىڭ جىلدىق قۇنسىزدانۋى توقتادى - ەربولات دوسايەۆ
«مەملەكەت باسشىسىنىڭ تاپسىرماسى بويىنشا ينفلياتسيانى تۇراقتاندىرۋ ماقساتىندا ۇكىمەت اكىمدەرمەن بىرلەسىپ، وسى جىلعى قىركۇيەكتەن باستاپ باعا ءوسۋىنىڭ مونەتارلىق ەمەس فاكتورلارىن تۇراقتاندىرۋ ماقساتىندا ينفلياتسياعا قارسى دەن قويۋ ءىس- شارالارىنىڭ كەشەنى ىسكە اسىرا باستادى. ءوز تاراپىنان، ۇلتتىق بانك ەكونوميكاداعى سۇرانىستىڭ وسۋىنە جاۋاپ رەتىندە دەزينفلياتسيالىق اقشا- كرەديت ساياساتىن جۇرگىزۋ اياسىندا بازالىق ستاۆكانى 9 پايىزدان 9,75 پايىزعا دەيىن ءۇش رەت كوتەردى. سۇرانىس تاراپىنان ينفلياتسياعا قارسى قىسىم بيىلعى جىلعى 9 ايدا تۇتىنۋ تاۋارلارى يمپورتىنىڭ 21,4 پايىزعا وسۋىمەن راستالادى»، - دەدى «2022-2024 -جىلدارعا ارنالعان رەسپۋبليكالىق بيۋدجەت تۋرالى» بايانداعان ەربولات دوسايەۆ.
ونىڭ اتاپ وتۋىنشە، ۇكىمەت پەن ۇلتتىق بانكتىڭ ۇيلەسكەن ءىس- قيمىلىنىڭ ناتيجەسىندە بيىلعى قازاندا 6 اي جەدەلدەگەن جىلدىق ينفلياتسيانىڭ ءوسىمى توقتادى.
«ينفلياتسياعا قارسى دەن قويۋ ءىس- شارالارىنىڭ كەشەنى اياسىندا تاۋار نارىقتارىنداعى ديسبالانستى جويۋ ماقساتىندا جەدەل جانە جۇيەلى ءىس- شارالاردى ودان ءارى ىسكە اسىرۋ مەملەكەت باسشىسىنىڭ تاپسىرماسىنا سايكەس 2021 -جىلى ينفلياتسيانى 8,5 پايىزعا دەيىن تۇراقتاندىرۋعا جانە 2022 -جىلى 4-6 پايىزدىق نىسانالى دالىزگە كىرۋگە مۇمكىندىك بەرەدى»، - دەدى ۇ ب ءتوراعاسى.