سەمىزدىك ءتىس تۇسۋگە اكەلەدى

None
None
نۇر-سۇلتان.قازاقپارات-سەمىزدىكتىڭ ارتى سوزىلمالى قابىنۋعا ۇلاسىپ، سۇيەك جاسۋشالارىنىڭ بۇلىنۋىنە اكەلۋى مۇمكىن.

ونىڭ ىشىندە ءتىستى ۇستاپ تۇرعان سۇيەكتەر دە ءبۇلىنۋى ىقتيمال. بۇل - نيۋ- يورك شتاتى ۋنيۆەرسيتەتىنىڭ ماماندارى جۇرگىزگەن زەرتتەۋدەن شىققان تۇجىرىم.

اتالمىش زەرتتەۋدىڭ ماقساتى سەمىزدىك پەن ءتىس اۋرۋلارىنىڭ اراسىندا قانداي دا ءبىر بايلانىس بار ما الدە جوق پا - سونى انىقتاۋ بولعان.

زەرتتەۋ ناتيجەسى كورسەتكەندەي، سەمىزدىك اعزادا شەكتەن تىس قابىنۋ پروتسەسىن ىسكە قوسىپ، بۇل ءوز كەزەگىندە يممۋندى جاسۋشالار توبىنا جاتاتىن ميەلويد- سۋپرەسسورلى جاسۋشىلاردىڭ (MDSC) كوبەيۋىنە اكەلەدى ەكەن. ال MDSC وستەوكلاست (سۇيەك جاسۋشاسىن بۇلدىرەتىن جاسۋشا) سىندى تيپتىك جاسۋشالاردىڭ بولىنۋىنە، كوبەيۋىنە جول اشاتىن كورىنەدى.

«سۇيەك ماسساسىنىڭ جوعالۋى - ءتىس اۋرۋلارىنىڭ پايدا بولۋىنا اكەلەتىن نەگىزگى سەبەپ. ءتىس اۋرۋلارىنىڭ 47 پايىزى ءتىس سۇيەگىنىڭ ءبۇلىنۋى - پارودونتوز اۋرۋىنا جاتادى. ءبىزدىڭ زەرتتەۋدەن پارودونتوز بەن سەمىزدىكتىڭ اراسىندا قانداي دا ءبىر بايلانىستىڭ بارىن اڭعارتادى. ءبىراق زەرتتەۋدى ءالى دە كولەمدى جۇرگىزۋ قاجەت»، - دەيدى ۋنيۆەرسيتەت جانىنداعى ستوماتولوگيالىق مەكتەپتىڭ پروفەسسورى، ستوماتولوگيا عىلىمدارىنىڭ دوكتورى كەيت كيركۆۋد.

سوڭعى جاڭالىقتار