حالىقتى نەسيەگە باتىرماۋ ءۇشىن قانداي شارالار قولعا الىنۋدا

بۇل تۋرالى ق ر قارجى نارىعىن رەتتەۋ جانە دامىتۋ اگەنتتىگىنىڭ ءتوراعاسى ءمادينا ءابىلقاسىموۆا ايتتى، دەپ حابارلايدى قازاقپارات ءتىلشىسى.

«تۇتىنۋشىلىق سۇرانىستى قالپىنا كەلتىرۋ اياسىندا بيىل 2-توقساننان باستاپ حالىققا بەرىلەتىن كرەديتتەردىڭ جىلدام ءوسۋى بايقالادى. 1-جارتىجىلدىقتا جەكە تۇلعالارعا بەرىلەتىن كرەديتتەردىڭ ءوسىمى %13,6 قۇراسا، 9 ايدا ول %27,5 عا جەتتى. يپوتەكالىق كرەديتتەر جەڭىلدىكتى يپوتەكالىق باعدارلامالاردى ىسكە اسىرۋ اياسىندا جىل باسىنان بەرى %22,6 عا ءوستى. يپوتەكالىق كرەديتتەر بويىنشا مولشەرلەمەلەردىڭ تومەندەۋىنە قاراماستان، جىلجىمايتىن مۇلىك نارىعىندا قوسا جۇرەتىن باعا ءوسىمى حالىقتىڭ باسپاناعا قولجەتىمدىلىگىن تومەندەتۋى مۇمكىن»، - دەدى م. ءابىلقاسىموۆا قازاقستان قارجىگەرلەرىنىڭ IX كونگرەسىندە.

تۇتىنۋشىلىق جانە يپوتەكالىق كرەديت بەرۋدىڭ جوعارى قارقىنى قارجىلىق تۇراقتىلىق ءۇشىن سىن- قاتەرلەرگە جانە حالىقتىڭ بورىش جۇكتەمەسىنىڭ ۇلعايۋىنا اكەپ سوعۋى مۇمكىن. بۇل تاۋەكەلدەردى تەجەۋ ءۇشىن ولاردىڭ حالىقتىڭ كرەديت الۋ دەڭگەيىنە جانە قارجىلىق ۇيىمداردىڭ جۇيەلىك تۇراقتىلىعىنا اسەر ەتۋىنە بايلانىستى ماكروپرۋدەنتسيالىق ساياسات قۇرالدارىن پايدالانۋ جوسپارلانادى.

«جالپى، 2020-2021 -جىلدارى حالىقتىڭ بورىش جۇكتەمەسىنىڭ ءوسۋ قارقىنىن ۇستاپ تۇرۋ ءۇشىن قارىز الۋشىلاردىڭ قۇقىقتارىن قورعاۋ بويىنشا ءبىرقاتار شارا ىسكە اسىرىلدى. بىرىنشىدەن، بارلىق كرەديتتەر بويىنشا تولەمدەر سوماسى قارىز الۋشىنىڭ اي سايىنعى كىرىسىنىڭ %50 نان اسپاۋىن كوزدەيتىن بورىش جۇكتەمەسىنىڭ %50 دىق كوەففيتسيەنتى ەنگىزىلدى. تابىسى كۇنكورىس دەڭگەيىنەن تومەن ازاماتتارعا قارىز ۇسىنۋعا، سونداي- اق 90 كۇنگە مەرزىمدى كەشىكتىرگەننەن كەيىن تۇراقسىزدىق ايىبى مەن كوميسسيا ەسەپتەۋگە تىيىم سالۋ بەلگىلەندى. بورىش جۇكتەمەسىن بۇدان ءارى باقىلاۋ ماقساتىندا بانكتەرگە جانە ميكروقارجىلىق ۇيىمدارعا (م ق ۇ) بارلىق قارىز الۋشىلار بويىنشا كنق تۋرالى ەسەپ ۇسىنۋ تالابى ەنگىزىلەدى»، - دەدى م. ءابىلقاسىموۆا.

ەكىنشىدەن، قيىندىقتار تۋىنداعان جاعدايدا، مەرزىمى كەشىكتىرىلگەن قارىزدى رەتتەۋ ءراسىمى كۇشەيتىلدى. بيىلعى مامىر ايىندا مەرزىمى كەشىكتىرىلگەن قارىزدى ءبىرىڭعاي سوتقا دەيىنگى رەتتەۋدى كوزدەيتىن زاڭ قابىلداندى.

ءتارتىپ 1-قازاننان باستاپ كۇشىنە ەندى. ەندى بانكتەر مەن م ق ۇ قارىز الۋشىنى مەرزىمنىڭ كەشىكتىرىلۋى تۋرالى حاباردار ەتىپ، ونىڭ تولەمگە قابىلەتتىگىن باعالاپ، قارىزدى قايتا قۇرىلىمداۋ تالاپتارىن ۇسىنۋعا مىندەتتى. اگەنتتىك مامىر ايىندا ەنگىزگەن جاعىمسىز كرەديتتىك تاريحى بار قارىز الۋشىلاردى وڭالتۋ تەتىگى 1,9 ميلليون ازاماتتىڭ جاعدايىن وڭالتۋعا مۇمكىندىك بەردى.

«ۇشىنشىدەن، اتالعان زاڭ شەڭبەرىندە كوللەكتورلاردىڭ زاڭسىز ءىس- ارەكەتتەرىن شەكتەۋ ماقساتىندا ەڭ تومەنگى كاپيتالدى بەلگىلەۋ جانە قارىز الۋشىلارمەن ءوزارا ءىس- قيمىلدى مىندەتتى تۇردە تىركەۋ ارقىلى كوللەكتورلارعا قويىلاتىن تالاپتار قاتاڭداتىلدى. مامىردان باستاپ زاڭسىز ارەكەت ەتكەن 33 كوللەكتوردىڭ قىزمەتى توقتاتىلدى. قازىرگى ۋاقىتتا كوللەكتورلاردى رەتتەۋدى قاتاڭداتۋ بويىنشا قوسىمشا ۇسىنىستار ازىرلەندى. بۇل شارالار ەڭ تومەنگى كاپيتالدى، قىزمەتكەرلەردىڭ بىلىكتىلىگى مەن ىسكەرلىك بەدەلىنە قويىلاتىن تالاپتاردى بىرتىندەپ ارتتىرۋدى كوزدەيدى. سونداي- اق، باس پروكۋراتۋرا كوللەكتوردىڭ زاڭسىز ارەكەتتەرى ءۇشىن اكىمشىلىك جانە قىلمىستىق جاۋاپكەرشىلىك ەنگىزۋدى ۇسىندى»، - دەدى م. ءابىلقاسىموۆا.

اۆتور: ايجان سەرىكجان قىزى