ق ر پرەزيدەنتى تۇركى كەڭەسى حاتشىلىعىنىڭ جاڭا كەڭسەسىنىڭ اشىلۋىنا قاتىستى - فوتو
بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي جەلىدەگى پاراقشاسىندا جازدى، دەپ حابارلايدى قازاقپارات.
بۇل شاراعا ازەربايجان، قىرعىزستان، تۇركيا، وزبەكستان، تۇرىكمەنستان پرەزيدەنتتەرىمەن جانە ماجارستان پرەمەر-ءمينيسترى دە قاتىستى. سالتاناتتى ءراسىم اياقتالعاننان كەيىن مەملەكەتتەر باسشىلارى تۇركى كەڭەسىنىڭ VIII سامميتىنە قاتىسۋ ءۇشىن ىستانبۇلدىڭ وڭتۇستىك- شىعىسىندا ورنالاسقان دەموكراتيا جانە بوستاندىق ارالىنا بەت الدى.
سامميت نۇر-سۇلتان ۋاقىتىمەن 17:30-دا باستالادى.
ەسكە سالساق، كەشە قازاقستان پرەزيدەنتى قاسىم-جومارت توقايەۆ تۇركىتىلدەس مەملەكەتتەردىڭ ىنتىماقتاستىق كەڭەسىنىڭ VIII سامميتىنە قاتىسۋ ءۇشىن ەكى كۇندىك جۇمىس ساپارىمەن ىستانبۇل قالاسىنا كەلدى. مەملەكەت باسشىسىنىڭ ىستانبۇل قالاسىنا جۇمىس ساپارى تۇركىتىلدەس مەملەكەتتەردىڭ ىنتىماقتاستىق كەڭەسىنىڭ باس حاتشىسى باعدات امىرەيەۆپەن كەزدەسۋدەن باستالدى.