ۆاليا اجەي قازاقتاردىڭ تويىنان رەنجىپ قايتقانىن ايتتى - ۆيدەو

37 جىل مەكتەپتە قازاق تىلىنەن ساباق بەرگەن كەيۋانا قازاقتىڭ ءداستۇرىن دە جاقسى بىلەدى ەكەن، دەپ حابارلايدى Express Qazaqstan.

Facebook جەلىسىندە پايدا بولعان بەينەجازبادا ۇلتى نەمىس اجەي قازاقتىڭ ماقال-ماتەلى مەن داستۇرىنە قاتىستى وي-پىكىرىن ايتىپ وتىر. ول قازاقتاردىڭ بەسىككە سالۋ تويىنا بارىپ قىنجىلىپ قايتقانىن جاسىرمايدى. ونىڭ ايتۋىنشا، قازاقتار بالانى بەسىككە دۇرىس بولەي الماعان، ال قۋانىشقا ۆاليا اجەي بەسىكتى ءوزى اپارىپتى.

كەشە قازاقتاردىڭ بەسىككە سالعانىن كورىپ، قارنىم اشىدى. بەسىكتى ءوزىم اپارىپ وتىرعان سوڭ، ولارعا قالاي ءوزىم كورسەتەمىن - دەپ ايتامىن. ءىشىم اشىپ قايتتىم، - دەيدى ۆاليا اجەي.

ۇزاق جىل ۇستازدىق ەتكەن ۆاليا اجەيدىڭ نەمەرە كەلىنى دە ءوزى سەكىلدى قازاق تىلىنەن ساباق بەرەدى ەكەن. بەينەجازبا ەلىمىزدىڭ قاي وڭىرىندە تۇسىرىلگەنى بەلگىسىز.