مەملەكەت باسشىسى شاۆكات ميرزيەۆتى وزبەكستان پرەزيدەنتى لاۋازىمىنا قايتا سايلانۋىمەن قۇتتىقتادى

None
None
نۇر- سۇلتان. قازاقپارات - مەملەكەت باسشىسى وزبەكستان پرەزيدەنتى شاۆكات ميرزيەۆپەن تەلەفون ارقىلى سويلەستى، دەپ حابارلايدى اقوردا.

پرەزيدەنت قاسىم- جومارت توقايەۆ شاۆكات ميرزيەۆتى وزبەكستان رەسپۋبليكاسىنىڭ پرەزيدەنتى لاۋازىمىنا قايتا سايلانۋىمەن قۇتتىقتاپ، وزبەك كوشباسشىسىنىڭ سايلاۋداعى سەنىمدى جەڭىسى ونىڭ ستراتەگيالىق باعدارىنىڭ جالپى حالىقتىق قولداۋعا يە بولعانىن تاعى ءبىر مارتە دالەلدەدى دەپ اتاپ ءوتتى.

اڭگىمەلەسۋ بارىسىندا قاسىم- جومارت توقايەۆ شاۆكات ميرزيەۆتىڭ باۋىرلاس ەكى حالىق اراسىنداعى كوپ عاسىرلىق دوستىق پەن تاتۋ كورشىلىك قاتىناستاردى نىعايتۋعا زور ۇلەس قوسقانىن ايتتى. تاراپتار قازاقستان مەن وزبەكستان اراسىنداعى ستراتەگيالىق سەرىكتەستىكتىڭ مول الەۋەتىن تولىق جۇزەگە اسىرۋ جانە ورتالىق ازياداعى ءوزارا سەنىمدى نىعايتۋ ماقساتىندا بىرلەسكەن جۇمىستاردى بەلسەندى جالعاستىرۋعا دايىن ەكەنىن ناقتىلادى.

قازاق- وزبەك قاتىناستارىنا ءىس جۇزىندە تىڭ سەرپىن بەرۋ ءۇشىن قاسىم- جومارت توقايەۆ شاۆكات ميرزيەۆتى قازاقستانعا مەملەكەتتىك ساپارمەن كەلۋگە شاقىردى.

سوڭعى جاڭالىقتار